زينب هالمسيه تنوح خل انوح وياها
اجاها العيد ياكرار ياهو يلم يتاماها
******************************
گامت لعد باب الدار زينب تندب اخوتها
تبجي تصيح يا كرار تدمي ﮜلوب حالتها
يمه يم حسن وحسين حضري اليوم نادتها
شوفي الصار ولجاري ------عليه تهدمت داري--------ويضل موح المقل جاري
تسعر بالدليل النار عيني يسيل مجراها
********************************
تنادي يالحسن حضره عليك بـــــامك الزهره
ضمد جرح ابوي الحين بلكي هــــــــين ويبره
بيه ضـــــنه ويــــــــرد ليه وجرلها الحسن حسره
لـــــمن سمعت بونته ---------وخفگ منه الـدمع سكته -------تدنت لــــيه وشبگته
حضنها الحسن وجفوفه تنشف دموع عيناها
*********************************
شعندك يازمن وياي يوميه بمصيبه تحل
تزيّد كفة همومي وتخلي نواظري تهمل
مصيبة جدي وامي شثگلها وحگ علي تكتل
ماتنحمل بلواها--------لحــــــــــــــــگها حامل لواها------------لعد روحي وجواها
عله هالعمله شيسليني وروحي خاب رجواها
***********************************
يبويه خابـــــت ظنوني بعد هـــــيهات ليه تعود
اظل اجري الدمع سكته دموعي عله الخدود شهود
عليك مصاب حزني يدوم ماانزع هــــــــــدوم السود
اصبغ بالدمع هــــــــدمي----------وتظل مدامعي تدمي---------وتغير بالحزن رسمي
زماني بيك فاجعني وهامك تسفح دماها
*********************************
اجت عله الوجه تلطم زينب حين سمعت بيه
ميت لامحاله اليوم واملاك الســـــمه تنعيه
تگله يادهر شتريد ليه ارجوك بس خليــــه
وتنوح لفگد والدها---------فـــــــراگه الروح ماردها-----------خل نبجي ونساعدها
عله الحسره وعله الونه ونساعدها عله بلواها
*********************************
ونت واليتامه تنوح تبجي لفكد واليها
اجاها العيد والفطره بيا ﭽف تنطي ليها
جوعانه اليتامه اليوم تصيح تريد راعيها
بجفه يمسح عله الراس---------راعي الجود والنوماس---------بعد هيهات منه الياس
مايرجع علي ليها كطع للظنه وياها
