لا تحير شما قصت بيك المحن بقلب طاهر انخه الزجية ام الحسن
***
لو ثقل همك وطحت بمعضلة ابد لا تحتار سهلة المسألة
لمجلس الزهرة يالمحب اكصد اله وكلها جيتج من تعب ظيم الزمن
***
كلها جيتج وادري يا مولاتي بيج ما يرد خايب ذليل اليعتنيج
لان جفج يكرم المعتني ليج يالجفوفج عالعطايا تعلمن
***
اقسم عليها بمصاب المجتبى كلها خادمكم زمانه متعبه
تنجلي همومك وهاي مجربة ويمها طلباتك يكاصد ينكظن
***
بس تطب للمجلس وتهمل العين كلها انا عليج اقسم بالحسين
لو ترديني اروحن اني وين عليج دمعاتي العلى حسينج جرن
***
اقسم عليها بسهم عين الكفيل كلها يالزهرة علي حملي ثجيل
يا طبيب الغيرج يشافي العليل ويا جروح بغير ذكرج ينبرن
***
اقسم بزينب عليها ام الخدر لفزعتج كلها يمولاتي انتظر
من يدفنوني اريدج بالقبر عني تجلين النوايب لو اجن
