وداعة الله يمة يا يمة الحنينة وداعة الله
*****
بالله يا شايل نعشها نزله قلبي يحن
ويلي هذا اخر وداع ويبتدي عمر الحزن
نزله بهيده يشايل لا تاذيها وتون
مكسرة ضلوع الزجية وما غمض ليها جفن
من المها بالليالي يهل دمعها من المها
****
يمه يا زهرة الحنينة والله داري مظلمة
موحشة خلافج ييمة والقلب ينزف دمة
شو فجعتينه ييمة والمصاب شمعظمه
شكد هظيمة بلايه امي ولا حنان ميتمه
ريته يمج جسمي يمه يمددونه ريته يمج
***
يمه داري شلون اطبه بيها يمه شكد صور
هنا كعدتي هنا مشيتي وسفة يتمنه الدهر
ويلي من صغري اعوفج وانحنه مني الظهر
يا ضيه البيت وضياها ريت ما صار النظر
شكد هظيمة اكضي سنيني يتيمة شكد هظيمة
***
يمه جنت اغفه على صدرج واشعر براحة وامان
وبجفوفي برحمه ايدج تمسح عليه بحنان
انا يمج وانتي يمي والسعادة بكل مكان
هسه رحتي يالحنينة وضاع عزي والامان
يا حنينة يمة مشتاقه اشمج يا حنينة
***
يمة رحتي وداعة الله والوصية بكربلا
من اشوف حسين وحده بمنحرة واقبله
غربة الاوطان صعبة يبقى اخوي بلا هله
اول سنيني ييمة والمصاب شيحمله
من اودعه ياهو يمه يبقى ليه من اودعه
