رد كتله النذل مارد ظل واكف على اعتابي
انا ام الحسن وحسين لا تدفع علي بابي
***
انا ام الحسن وحسين بت سيد البشر طه
انا الما نزلت التوراة ولا قران لولاها
لا تدفع علي بابي ثجيل الباب ملكاها
ابد ما جنه يسمعني تعمد اله يدفعني وبالمحسن يروعني
وطحت من عصرته والنار تسري بطارف ثيابي
***
كلتله ارجع يوجه ابليس لاتحرك عليه الدار
ولاتصرخ وإن عالباب تهظم حيدر الكرار
زينب يمي وادريها ترجف من تشوف النار
صحت يم الخدر رجعي تذبحج ونتي وضلعي يمظلومة انكسر ضلعي
والي ببطني وكع عالكاع وهذا الزيد مصابي
***
محسن من وكع يا ناس بدمه انصبغت الغبرة
مدري ذبحته الرجلين مدري انذبح بالعصرة
منعني الكافر اوصل ليه ودفعني على الثرة بصطرة
ردت يا ناس اشوف ابني واوسد محسن بحضني النذل من اوصل يردني
وضلعي هشمة البسمار وعالخد احمر صوابي
***
كفرهم والحقد بين من هجموا عليه بالليل
نحيله انا وثجيل الباب مالي على المدافع حيل
لا اكدر اهد الباب من اهده تدخل الاجناب
وانا وحدي وبلاية حجاب
لذت بالباب ما ادري انعصر ما حاسبة حسابي
*****
النجار الصنعلي الباب من جذر الشجر سواه
ما حسب وراه توكف مرة وبالصدر تتلكاه
عوف الباب والبسمار ليش يعوفه ما شالاه
يدري مدري ما يدري بالدفعه انهشم صدري وبالبسمار اخذ عمري
صرت مابيه اشيل الايد العقيله تعدل حجابي
***
من حركوا علي الدار ما كتله علي الحكلي
لو ما والدي موصي ما واحد وصل حدي
مقدر يطك ضلعي الباب وعلى العتبة انفجع يبني
خاطرشيعة الكرار افطمهم باجر من النار وعلي يبجون ليل نهار
دفعت ديتهم بدمي احباب حسين واحبابي
*************
