علي تعنه لحبيبة المصطفى بدمعة اختنك بالعبرة صار بنظرته يودعه
ك+عد يمه الامير وما لفظ جلمة لفظ من صدره جلمة تحرك الجلمة
علي انصبت عليه مصايب الامة المصايب كلهه يمه اليله مجتمعة
مجتمعة المصايب والامير ينوح بعد ساعات ابو الزهراء راح يروح
نفس وحدة علي والمصطفى وفد روح نفس وحدة على الجسمين متوزعه
علي لالامه ما يحتاج يشرحهه بمجرد صب دمع لالامه وضحهه
رسول الله بيمتنه لدمعته مسحهه وبقه المدمع يفيض وما نشف نبعه
رسول الله التفت للمرتضى بنظرة يكله اندهلي بنتي فاطمة الزهره
اجت ام الحسن مخنوكه بالعبرة بجت دم ودمع من شاهدت وضعه
مسح بيده دمعها ويحجي ويه الخد عسى انشلت يمينه الراح الك تنمد
تمنيت ببدالج جسمي يتسهد وعلى خدي بدالج تنزل الصفعه
وتمنيت ببدالج ينكسر ضلعي يبهجة قلبي من اجلج همل دمعي
على العاداج يا زهراء شرد ادعي عذابج الم بعد المرتضى يجرعه
بعدي على الوصي تتأمر الاصحاب ويجمعون الحطب يم اعز واقدس باب
وبعد مره الزمن يتعنه للمحراب ابن ملجم بطبرة لحيدر يصرعه
وبعدها الحسن يلفظ بالطشت جبدة ويكف بعده الحسين بكربلا وحده
شسولف يا علي عن شدة الشدة ضعن زينب امية ميسرة تطلعه
