عبّاس يامـُهجتي == جيتك == جيتك إﺗــْﻠـَﮔـّّاني 

مـِنْ بعد غـُربتي === جيتك إبلهفتي

جيتك == جيتك إﺗــْﻠـَﮔـّّاني

ـــــــــــــــــــــــــــــــــــــــ

جيتك يخويه إمن اليـُسر بالألـم == إنهــض ﺗﻠﮔـّاني يراعي العلم

وينك يبو الغيره تنادي الحـــــــرم == إنتَ الكفيل الفاض جود إو كرم

جيناك يا بالفضل == جودك == جودك إينادينه

جاريه دمعتي === جيتك إبلهفتي

جيتك == جيتك إﺗــْﻠـَﮔـّّاني

ـــــ

لازم إسولفلك عليّّــــــــه إشـْجـَرَه == من يوم عفتك خويه فوﮒ الثـَرَه

راﻓﮔني راسك للضعينـــــــه بـَرَه == شاهـِد يشوف العايله إمـْيسـّرَه

وأيتام ﺗﺣﭼـي إبدمع == عنـّك == عنـّك إيسألوني

واني إبحيرتي === جيتك إبلهفتي

جيتك == جيتك إﺗــْﻠـَﮔـّّاني

ــــ

إختك يعباس الوفــــــــي ما أِذِل == أفضح يزيد إو زمرته من أهـِل

أﺣﭼـي إبلسان المـُرتضه إو بالعدل == عن منهـج إحسين الأبي ما أزل

ما عوف خط ثورته == نوره == نوره اليرويني

منهلي إبثورتي === جيتك إبلهفتي

جيتك == جيتك إﺗــْﻠـَﮔـّّاني

ــــــ

خويه يعباس إبعزيمة علي == خلـّيت زيف الناصبيّه جـَلي

والناس عُرفت ياهو جدّي إو هَلي == عُرفـــــوا أبوي المايهاب الوَلي

عُرفوني بت فاطمه == تلعن == تلعن الياذيني

عـُرفت إبمحنتي === جيتك إبلهفتي

جيتك == جيتك إﺗــْﻠـَﮔـّّاني

ـــ

يمّّك أريد أنصُب مآتم حـِزِن == نازف دليلي ما يهيد إو يـِوِن

وإدموعي جرحت ناظري والجـِفـِن == ريتك يخويه وَيْ حنيني تِحِن

وإتشارك إبأتمي == ترجع == ترجع إتباريني

تمسح العبرتي === جيتك إبلهفتي

جيتك == جيتك إﺗــْﻠـَﮔـّّاني

ــــ

ياريت يرجع ياحبيبي الزمن == وإنتَ التردنه ياشهم للوطن

أدري دليلك من ونيني إمـْتـَحَن == والغاضريّه صــارت إلكُم سكن

وإبكربلاء المجد == فايز == فايز إيناديني

يجلي كـُل كربتي === جيتك إبلهفتي

جيتك == جيتك إﺗــْﻠـَﮔـّّاني