كون الي يجيك عيونه معميات حتى يواسي عينك والسهم بيها
من بيتي اجيتك والاطفال وياي وردت اطفالي من حبك اغذيها
دخلت لوحدي وخليتهم بالباب اخافن تذكر اطفالك يحاميها
وعفت بالباب طفلة حتى اعيش الدور رقية لهسه احس قلبك متانيها
ترة كلب الطفلة حين بطشت راس حسين رقية بلوعة صاحت آه يابه
الى ان ماتت على الراس هيه
******
واعدتك ازورك واعتنيتك اليوم انا انطيتك حجاية وجيت اوافيها
يالمواعد سكينة شلون ما رديت منتظرة وعطش بالروح ياذيها
كوم وياي للخيمكاه نرويها وللتل سيدي خالنصعد انا وياك
وتدري بشوفتك زينب تواسيها
****
من على التل واكفة تسح عينها كالوا اخت حسين تنخة حسينها
نادته وعبراتها من دم تكت وين يا ريحانة الهادي صرت
عدل بعدك لو يبن حيدر متت وصرختك بالخيل يا حر وينها
نادته وعبراتها تصح بالسحاب ثلاث مرات و ولا رد الجواب
قسمت عليه بابو داحي الباب وبحليب امه وسقط جنينها
عكب ما ايست بت حامي الدخيل طرت صفوف العده وشكت الخيل
لكت خيها حسين عالرمضه جتيل ورقبته الما تنلوي لاوينها
*****
انا الوادم يعرفوني بت حيدر واخت عباس
علي تصعب يشوفوني عالهزل واهبط الراس
شكولن للينشدوني يم الخدر خدرج وين
وانا عمود صيواني طاح بطيحت الجفين
يحادي شلون اشيل الراس وعلى الرمح راس حسين
طول الدرب يبرالي ويبرة العايلة بعينه
