يا كفيلي انخاك يبو فاضل حركوا خيامي عداك يبوفاضل
***
يبو الغيرة يبو الشيمة صحت وينك يكفالي
هجم خصمك على خيمك حرت ياخوية بعيالي
يبوفاضل انازينب غريبة وما الي والي
يحاميني ويباريني ويباري بعينه اطفالي
مدلله جنت وياك يبوفاضل حركوا خيامي عداك ييو فاضل
**
على الشاطي صريع انت جفوفك طاحت بكترك
ولو ماطاحت جفوفك فلاوالله ما عذرك
تخليني تصب عيني دمع يشبه نزف نحرك
الخيم يا خوية حركوها بامل مكطوع انا انتظرك
خوية ظليت ارجاك يبوفاضل حركوا خيامي عداك يبوفاضل
**
صدك صابر يبوفاضل وسهم النايبة بعينك
صدك عالشاطي يالكافل وطاحت خوية جفينك
بعد شعتب انا ودهري اخذ يسراك ويمينك
صوب راسك بعامود كطع ما بيني وبينك
وانسفك خوية دماك يبوفاضل حركوا خيامي عداك يبوفاضل
**
يخوية سياط عدوانك صارت تضرب بمتني
ومارحمتني يا عباس نوايب دهري هظمتني
نخيتك وانت ما تسمع بس عداك سمعتني
اجت حركت صواويني بغرب ولية تولتني
يالجبتني بحماك يبوفاضل حركوا خيامي عداك يبوفاضل
