أه يمسموم يخويـــــه اه يمسموم
زينب تكوم وتطيح -- لطمت الراس وتصيح
أه يمسموم يخويــــه اه يمسموم
________________________
مثل وكفتها اعله امها -- وكفت بيوم الحســــن
تصيح نيران البكلبــي -- الهالمصيبــــه وجــــرن
وين داحي باب خيبر -- ويــن كفــاي المحـــــن
يحظر بهاي الرزيـــه -- ندبتـــه بصوت الــــحزن
تحشم بحيدر علــــي -- تصيح والعين تهلي
أه يمسموم يخويــــــه اه يمسموم
_______________________
الــــحزن خيـــم عليها -- بيوم ودع عيلتـــه
بيها وصه ابن الزجيه -- والوصيه لخوتــــه
هلـــت المدمع وسافــه -- يلوج لمــن شافتـــــه
تصيح ياعباس خويـــه -- شلون جعــده سمتــــه
تندب براعي العلــــــم -- صوت صاحـــت وبالـــم
أه يمسموم يخويـــــه اه يمسموم
________________________
شافت يغمضون عينـــه -- وسبلوا اليمنه ويسار
ظلمه صارت وبنظرهـــا -- ذيج ساعات النهــــار
عيونهــــــا دم يتجـــارن -- يطلــع ويالــــــدم شرار
تصيح اخوي وتاج راسي -- ظلمـــه من بعده الديار
راح أخوي وهيبتــــه -- والله صعبه فركتــــــه
أه يمسموم يخويــــــه اه يمسموم
__________________________
شافت النعش بنظرها -- يـــــــوم صــــابوه بسهــــــم
زمرت اصحاب السقيفه -- الــــــيعبدون الصنـــــــــم
شافت حسيــــــن التحير -- ينظر الراعــــــي العلـــــــم
يحمــل السيـــف بيمينــــــه -- يخاف لو ساعه وهجم
يصيـــــح اصبر عالبلــــــه -- انته يومك كربلــــــه
أه يمسموم يخويـــــــــه اه يمسموم
____________________________
مـــــن بعد ذيج الماسي -- ردت البيـــــــــت الـــــحسن
نصبت بداره العزاء -- ولبست اهـــــدوم الحــــزن
ساعه يم محرابه تكعد -- تذرف الدمعــــــــه وتــــون
ساعه تكعد يم يتامــــــه -- الضلوا بحسره وتحـــن
ساعــــــــه تكصد للكبر -- هذا حــــــــال ام الخدر
أه يمسموم يخويه اه يمسموم
________________________________
تحاجي الدار وتكلهــــــــا -- شلون يادار ادخلـــــــج
وانــــــه اخوي بغدر جعده -- راح منـــــــج فاركــــج
ضلمـــه يادار الاحبــــه -- مـــــــاادوسن عتبتــــــــج
خذتي قطعه من دليلــــي -- بياوجه انظر الـــــــج
عافــــــت الـــــدار ومشت -- صاحت بصوت وبجت
أه يمسموم يخويـــــــــه اه يمسموم
