على نوك الهزل لمن مشينة ثكالة وجم مصاب المر علينه
حسيناً وا حسينا
****
مصيبة من مصيبة اعظم لفتنه يتيمة من اليتامة شيبتنه
رقية شما نسينة ذكرتنه بجت حتى الارض لمن بجينه
حسيناً وا حسينا
****
ابوهه الكلبه ينبض بالمحبة بعدها ما تروت شوف منه
على طول الدرب تنشدني عنه اذا جان بسفر ما رجع لينه
حسيناً وا حسينا
****
ابوية العوداني اغفة على ايده تعبت من المشي واليوم اريده
بعيدة جيته يمكن بعيدة اظن حان الاجل بيني وبينه
حسيناً وا حسينا
****
طفلة ويمك معلك قلبهه وايام السبي متعب دربهه
بعد ما غفت من شدة تعبهه هوت من على الناقة وما درينه
حسيناً وا حسينا
****
لن رمح العليه راسك تحير ثبت فوك الارض وبضية نور
وشياله على رفعة يصيح مكدر هذي معجزة وبيها ابتلينه
حسيناً وا حسينا
****
علي السجاد كالوا خالنسأله رمح راس الحسين شلون احمله
كلهم بالله فكدوا خاف طفلة ضربتوها وهوت من الضعينة
حسيناً وا حسينا
****
رقية من الضعن يبن امي طاحت جاوينه الكفلنه بصوت صاحت
يا عمة صحت عزتنه راحت يوم الكطعوا يسارى ويمينه
حسيناً وا حسينا
****
لون حامي الضعن عباس يمنه ماواحد ضربنا ولا شتمنه
ساعة طحته احنه انهضمنه نشاكف ضرب السياط بأدينه
حسيناً وا حسينا
****
