يبو فاضل كفيلي اريدنك تجيني
===============
ياخويه اجيت لكربله بظلك
انه مخدرة ومعززة بكترك
ماخافن ابد يوم الاشوفنك
تاليهه الدهر صوب دليلي اريدنك تجيني
=====================
يخوية بطيحتك طيحة علمنه
انت الكافل وهيبة جمعنـــــــه
عباس البطل ياهو اليردنـــه
بفكدك يالاخو زايد ونيني اريدنك تجيني
=================
اخونا حسين ظل بطيحتك حاير
يبو فاضل بفكدك ما اله ناصر
بهم وحيره وبعينه ينـــــــــاظر
كسرت الظهر منه ايويلي اريدنك تجيني
===========================
بقينا احنه يخويه للحزن والهم
من شفنا اخونا حسين يتألـــــم
واكع عالارض ومخضب بهالدم
من شفت السهم هدالي حيلي اريدنك تجيني
===========================
بالايتام خويه حايره ونـــــاديت
حاضر ياعلي يابويه انه تمنيت
وتحمي هالخيم من العدا ياريت
اندب حيدره وابجي بعويلي اريدنك تجيني
=========================
عكب عيناك ياخويه انولينه
وايتام وحرم كلنــه انسبينه
ومن العـــــــده نتستر بدينه
وانه والعليل مكيديني اريدنك تجيني
========================
والاعظــــــــم وادهــى طبتي الديوان
ليزيد الرجس ولمجلس الخّــــــــوان
بعدك راح خدري الجان عالي الشان
ويتجاسر عليه ابن اللعيني اريدنك تجيني
===============================
شرد احجي واكولن لليناشــــدني
اخوج حسين وينه ووين كافلني
وعن جاســـــم والاكبر لليسايلني
هاك اخذ الجواب بدمع عيني اريدنك تجيني
===========================
