ها يبو فاضل خواته آه يا حجيي الشماته
مجتفات على الهزل بلامحامي ولا شبل
***
يبوفاضل شرد اسولف واحجي واشرح حالتي
شرد اكلك يا وصية البيها وصت عمتي
هامتي الجانت تلالي هسه طخت هامتي
ودمعتي الجانت عزيزة هسه رخصت دمعتي
علينه عمي تفرجت الاعادي تشمتت
والدمع من دم يهل مجتفات على الهزل
***
يبوفاضل من اجيتك جيتك وعفت الخدر
بالضعينه وشرد اكلك صار حاديهن شمر
عمي بالكوفة عفتهن بولية عداك وزجر
ومن ارد اردلهن شكولن وياهي تتقبل عذر
بالخرابة ببين اميه تنحب عيال الزجية
من البواجي ما تمل مجتفات على الهزل
***
عمتي وصتني سكينه وحلفتني بحيدره
اكصد العباس كله شواعداني وذكره
بيوم دك صدره اليه وكال ما عوفج تره
كله يا عمي سكينه جتفوهه على الثره
كله ما اقبل عذر ورم متوني الشمر
وكله مطروح الحمل مجتفات على الهزل
***
