بويه وينك ياعلي حامي الحمية
ترضى بويه ادخل الكوفة سبية
انا ام الخدر زينب يضربوني
انا بنتك بالسياط يلوعوني
ليت حاضر ياعلي تعاين متوني
من اندبك يخاطبوني خارجية
انا زينب الما أحد يعرف خيالي
شفت اخويه ينقطع نحره اقبالي
وركبوني عالهزل ويااطفالي
وراس اخويه حسين فوق السمهرية
بنتي زينب فوضي لله امرج
بنتي انتي معروفه بصبرج
بنتي زينب موبيديه مااحضرج
ومن بيجيكم ضاقت الدنيا عليه
بويه حيدر انت حلال المشاكل
بويه حيدر قلي شحكي لليسايل
بويه حيدر ترضى اركب عالهوازل
واهل كوفة ترضى تتصدق عليه
غصب عني يالعقيلة يضربونج
بوسط قلبي كل الم ورم متونج
انا فدوة ولاتهل دمعة عيونج
صبري بنتي ذا امر رب البرية
شفت مثلي تحضر بذبحة اخوها
شفت مثلي بالسياط يلوعوها
ياهي مثلي بالحبال يكتفوها
وبالارامل واليتاما مبتلية
انا حاضر يالوديعة كل مصابج
عيني تحرس كل طفل ماسك ثيابج
بدما قلبي الزمت يازينب ركابج
وحسين اخيج بيدي شربته اميه
