صاحت إسكينه إبألم == وين شيّال العلم

إنسبينه يعمّي وإنولينه

ــــــــــــــــــــــــــــــــــــــــــــــــــ

كوم أميّه أسّرونه == ياكفيل العايله

من حقدهم ما رعونه == والرزايه نازله

تدري بيهم روّعونه == ياإبن عقد الوله

روحي يمّك بالحزن == ظلّت إتنوح إو تون

إنسبينه يعمّي وإنولينه

ــــــــ

ما شبعنه إوداع منكم == من خذونه باليسُر

من مشينه إو رحنه عنكم == ريت معدوم العمر

عيني ظلّت تربي إلكُم == بالحَشَه يجوي الجمر

دم تراها دمعتي == تجوي روحي حسرتي

إنسبينه يعمّي وإنولينه

ــــ

لو تجي وإتشوف حالي == ما تلمها غيرتك

تُرفعه السيفك يعالي == موت تحمل صولتك

والوفه منها يوالي == عمّي أمّك رضعتك

لكن إجفوفك نَخَن == من يِرِدْنَه للبدن

إنسبينه يعمّي وإنولينه

ــــــ

جرّت إعلينه المصايب == عمّي وإتصب دمعتي

وسفه نورك عمّي غايب == ياأملها دنيتي

كلها تصرخ واليعاتب == ياذي زينب عمّتي

صارت الطيبه العَلَم == كاالجبل عالي إو أشَم

إنسبينه يعمّي وإنولينه

ـــــــ

هيبة الكرار بيها == عَمْتي بت حيدر علي

ما تذل لو مر عليها == كل ظلم ما تنولي

زود من إمها يجيها == بيه زينب تعتلي

عَمْتي ما ذلّت أبد == لَبْوَه من ذاك الأسد

إنسبينه يعمّي وإنولينه