بحزنها فاطم تنادي  يشيعة اليوم حضرونا
معرسنا وحيد ولا اهل عنده يحضرونه
تنادي فاطمة الزهراء وقلبها من الحزن مكسور
عدنا زفاف يا شيعه  والموعد ظهر عاشور
معرسنه يتيم ولا عشيرة تزفه بسرور
حضروه للطفوف اليوم يشيعة لا تخيبونه
يشيعة لا تجيبوا شموع  كفايه النار بالصيوان
بس جيبوله قطرة ماي حسافة معرس وعطشان
وابد لاتحضروله ثياب بدلهه جهزوا الاكفان
اريدنكم تزفونه وبعد ساعه تشيعونه
اذا طبيتوا لخيمنه ارجوا المعذرة منكم 
ماعدنا زلم ورجال يا شيعة تقابلكم
ابو فاضل بليه جفوف يتعذر يصافحكم
 ما غير الغريب حسين متغير تشوفونه
مكسور الظهر تلقوه ومنه فارقت روحه
لتسئلوه عن عباس تهيجوا بذكره جروحه
ولاتسئلوا عن الاكبر حشاشة قلبه مذبوحة 
ولا تسئلوا على الاحباب يشيعة لا تذكرونه