آ يمسلــــم == آيمسلــــم

ــــــــــــــــــــــــــــــــــــــــــــــــــ ــ 

مستهل هذه القصيده من ابداع الشاعر ابو وسام الديواني والنص من نظم خادمكم الفقير لله 

آ يمسلم === صاحوا إولادك سـِمـَعت أصواتهم

آيمسلم === هـم شفـــــــــت يوم الذبح دمعاتهم

فـَرّوا إبيوم الطفوف === ريت بعيونك تشوف

آ يمسلــــم === آيمسلــــم

ــــــــــــــــــــــــــــــــــــــــــــــــــ ــ

ندري بالحسرات يامسلم ثجيله == حيرة إولادك سـِبـَت روح العقيله

فـرّوا إمن الشر بعد ماكو وسيله == غايـــــب إنتَ والألم ياهو اليشيله

وإبمشيهم === ظنــّوا إيعبــــــرون كل ذاك الخطر

وإبمشيهم === شافوا أخطار إو مآسي إمن البشر

للجــُرح محــّد يروف === ريت بعيونك تشوف

آ يمسلــــم === آ يمسلــــم

ـــــ

غصبن إعليهم مشوا درب المخاطر == ظنــّوا الأطفـــــــــال ﻳﻠﮔون اليناصر

لاﭼن إهموم السجن ﭼانت تناطـــــــر == بالسجن عاشوا ليالي إبجور كاسر

وإبسجنهم === ظلـّوا أيـّام إو ليالي مـُظـْلــِمـَه

وإبسجنهم === ظلـّوا إيعبدون باريهـا السـِمـَه

رسمك إعليهم يطوف === ريت بعيونك تشوف

آ يمسلــــم === آ يمسلــــم

ــــ

نادوا السجـّان جدنه الهادي أحمــــد == والوصي الكـرّار أبونه الصار فرقد

يعتذر منهـــــــــم غــِدَه السجـّان وأزود == صاح فـرّوا إو لا تـِخـَلـّوا إيشوف أحـّد

يايتامه === الله يحفظكـــــــــم يأولاد النبي

يايتامه === الله يعمي كـُل حقير إو ناصبي

الله يهديــــــــه العطوف === ريت بعيونك تشوف

آ يمسلــــم === آ يمسلــــم

ـــــ

فـرّوا إولادك يمسلم من سجنهم == لاﭼن السجـّان ﻳﺑﭼـي من حزنهم

والأمل ضايع يرجعون الوطنهم == ليــّل الليل إقترب بهمومه منهم

بالمخاوف === ضـَيـّفـَتـْهم حـُرْمـَه من ليل الألم

بالمخاوف === ﭼانـــــــوا إيندبون شيـّال العلم

وين ﻣﮔطوع اﻠﭼفوف === ريت بعيونك تشوف

آ يمسلــــم === آ يمسلــــم

ـــ

جايزه أعلن عـُبيد الله مجـــــــــرِم == لليجيب الروس ﻣﮔطوعات يـِقـِدم

ظالم إبن إزياد للخيرات يهــــــــدِم == ثار عنده عـِد أبو الأطفال مسلـِم

ما خضعله === مسلم إو ما ذل أهانه إبمجلســـه

ما خضعله === والشقي حاقد عليـه إو ما نـِسـَه

ما نسه حر السيوف === ريـــــــت بعيونك تشوف

آ يمسلــــم === آ يمسلــــم

ـــ

من عرفهم صاحب البيت الأواهـــــم == عشعش إبروحه الطمع وأهمل نداهم

ﭼــَتــْف الطفلين فاجر ما رعاهـــــم == صاح عــَبــْدَه والعبد حـَن ما رماهم

قاسي ﮔلبه === ما رحمهــم من ﮔطع أعناقهم

قاسي ﮔلبه === أجـْرَه دمهم وإنتهت أشواقهم

أغضب الباري الرؤوف === ريـــــــت بعيونك تشوف

آ يمسلــــم === آ يمسلــــم

ــــ

من لــِفـَه إبفعله النذل ﻳﺣﭼـي إو يباهي == سلــّط الظالــــــــــم على الظالم إلهي

باع آخرته إبرخص عن دينه ساهي == وإنذبـــــــــح هذا الغبي ملعون لاهي

والذبحهم === عاشوا إبأرواح عشـّاﮒ النـَصـُر

والذبحهم === ﻳﮔصد إلهم كـُل مـَنْ إيريد الأجـُر

للزياره بالألـــــــــــــوف === ريت بعيونك تشوف

آ يمسلــــم === آ يمسلــــم