عليمن يبعد امك تهشم صدرك
ولياسبب يحسين ﮔطعوا نحرك
يايمه حاﮀيني**** محتاره تدريني
ولياسبب يحسين ﮔطعوا نحرك
*******************
هل شهر عاشور يبــــــني وردت اهمومك عـــــليه
وﮀني اسمع صوت اجاني أليله من ألغاضريــــــــه
ﮔومي يلزهره ألحزينـــــه وشوفي دهري شسوه بيه
من ﻋﮕب ﮔطعة وريــدي ***** يمه ﮔطعوا خنصر ايدي
نادته يهلال عيـــــــــــدي***** بحالتك تدري ألزﮀيـــــه
شفتك ييمه وﮔعدت يم جسمك
وأصبغت شيبي يلغريب بدمك
يازهرة أسنيني**** محتاره تدريني
*************************
يبني ﮔلبي شلون ينســـــه ساعة أﻟﮕطعوا وريــدك
وﻟﻟﮔبر وياي اخذتـــــــــه بيوم عفتك خنصر أيـدك
ﮀم مصيبه عيوني شافت أوياي تذكر اريــــــــدك
يم جسمك انه اتمـــــددت *****وبدمعة امصابك صحت
شلون يبني تحملــــــــت***** جتل اخيك وﮔطع منحر وليدك
بين ألشريعه وبين جسمك يبــني
ذاك الوكت تدري ألدهر دولبني
والهظم عاليني **** محتاره تدريني
**************************
يبني وألاكلف عليـــــــــه من شفت حال الغريبـــــه
لاذت بكترك ييمـــــــــــه وتصرخ بصوت المصيبه
خويه هذا أليل اجانــــــي والكفلني منين اجيبـــــــه
عل النهر مطروح عفتـه **** وما سمعني من ندهتــــــه
ريت عينه اتشوف اخته *****وشيبة حسين الخضيبـــه
يايمه من ذاك ألوكت ظل دمعـــــي
يجري دمه وكل ساعه يلجم ظلعي
والظلع ياذيني**** محتاره تدريني
***********************************
وﮀني أسمع صوت اجاني اليله من صوب ألشريعه
لنه من عباس اخيـــــــــك يبني ينشد عل الوديعـــه
وينشد عليك وﯦﮕلــــــــي هم روت ﮀبدة رضيعــه
مايدري بن عقد الولـــــه**** با النحر صابه حرملــــه
ألله يلوعة كربـــــــــــــلا**** ﮀم لوعه بيها وفجيعــــه
با الحومه مرميه الجثث يوليدي
وﮔلبت كل واحد ييمه بأيـــــدي
والحزن ﮀا سيني **** محتاره تدريني
****************************
بعد ﮔلبي شلون ﯦﮔطـــــع نوحه يحسين أونينـــــه
من شفت حالة رقيــــــــه يبني يم حادي ألضعينـه
ﭠﮕله ياعمي عل بختـــك من رحت وليه أنولينـــه
خيم اليل بظلامه ****وحنه ياعمي يتامه
ريتك أتكوم بسلامه**** وبينه ترجع للمدينه
وماظن يعمي انه ارد ويـــاهم
با الشام اموت وبعد ماﻟﮕاهم
وزينب تخليني**** محتاره تدريني
*****************************
يلي تنشد وين ﮔبـــــــري شلك ﺑﮕبــــري تدوره
ماسكنت بلحدي ساعــــه ولا نشف مدمع العبره
من وﮔع با الحومه ظامي وليدي مافارﮔت ﮔبره
والله حال الضيم حالــــي ****هذا يوليدي الجرالــي
دوهنت ﮔلبي اليالــــــــي**** شلون من ﻋﮕبك اصبره
ﺤﮕها امك اتنوح وتون بمصابك
ومن ﺤﮕها تتوسد عل ترابــــــك
وتهل دمع عيني **** محتاره تدريني
******************************
المصيبه
ﺤﮕها هل اليله الزﮀيه تنوح وتهل الدمع
وتصرخ بجمرة حزنها فوﮒ لوعات الظلع
انشد عليمن ييمــــــــــه ليش نحرك ﻴﻧﮕطع
(وبلوعة مصابك صحت)
يايمه بيك ادوهنت)
واﻟﮕلب من يومه يسعر وماطفتوما طفة جرة لهيبه
