ها هنا تسبى النساء ها هنا تجري الدماء
********* *
كربله بيهه دخلنه ودخلت اويانه المصيبه
ادخلنه طف الغاظريه وگلبي يتساعر لهيبه
هالارض وحشه علينه مكدره وظلمه ورهيبه
وتسمى كربلاء هاهنا تجري الدماء
********************************
كربله لمن دخلنه عيني مابطل دمعهه
انه زينب والمصايب گلبي حس بيهه وسمعهه
من الزغر جتني وغزتني وصدري ضماهه وحملهه
وتحملت العناء ها هنا تجري الدماء
*********************************
هنانه تتسابك دموعي عالشباب الطاح الاكبر
وجسمه يسبح من وريده وراسه بالسيف يتطبر
الطمت راسي بديه وصرخت الله اكبر
ولقد جاء النداء ها هنا تجري الدماء
********************************
وراح انوح بصوت عالي وانعه يوليدي يجاسم
ما اصدگ انه اشوفك عمه عالتربان نايم
كون عريس واشوفك وريت اشوفك دوم سالم
قد تحملت البلاء ها هنا تجري الدماء
**********************************
خل اعاين للشريعه اليمهه يتگنطر گمرنه
ياشريعه بحالي ارحمي ولاتراوي المايسرنه
انه راح انطيك اخيّ هذا ابو فاظل ضخرنه
هو رمز للفداء ها هنا تجري الدماء
*********************************
والمصاب الما احمله نبله الطفل الرضيع
يفسر گليبي ويشلني من اشوفنه صريع
مدمه بيد حسين اشوفه سابح بسيل النجيع
ذنبه يرويه ماء ها هنا تجري الدماء
*********************************
هذا حالي ويه اخوتي صعبه لو عني مشو
حرمه وبلايه محامي واخوتي عني بعدو
شنهو شعمل من بعدهم لو بالمصاب ابتلو
سلبوا منا الخباء ها هنا تجري الدماء
*******************************
اهنانه يتكاثر مصابي وانسبي من الغاظريه
واخوتي واهلي وبنيني صرعه تبقه عله الوطيه
اهنانه راس اهناكه جثه هنا نساء بلا حميه
وهنا تبكي السماء هاهنا تجري الدماء
**********************************
كربله منج نغادر بس حرم نبقى وعليل
ولو سمه ناعي المصيبه من مصيبتنه يشيل
حرم والاطفال تبكي والحرم مدمعهه سيل
وهنا يعلو البكاء ها هنا تجري الدماء
