أويلي ٱشلون بيــه ... يوادي الغاضريه
***
يوادي الغاضريه ٱضيوف إجينه = إلك آنـه وأخـوتي ٱمـن المـدينه
لچـن ما أعـرف ٱشصاير عـلـينه = أحـسّـك مـا تـود تـتـلگــّـه بـينه
ٱوعليك جيوش أميّه = يوادي الغاضريه
***
أويلي ٱشـلون ملگـه صـار اِلـنه = ٱبجيوش وخيل ما أدري ٱشعملنه
أظــنّ الـگــوم تـتـرقـب چـتـلــنه = لـعـد گـاعـك عـسـانه لا وصـلـنه
تضم يا محنه ليه = يوادي الغاضريه
***
يوادي ٱشمـالك ٱمـجـرد سـيوفك = عـجـيـبه هـيـچ تسـتـقـبل ضـيـوفك
تراني ٱبخير مَا ٱتـبـشـّـر أشوفك = بـخـبـر زوّدنـه لـــو رايـد نـعـوفك
تره ٱوسيعه الوطيّه = يوادي الغاضريه
***
خمش گلبي وشـغـل مـلگـاك بالي = دخـيـلك عـاد ارحـم ضـيـم حـالي
عليـّـه ٱشـتـخـفي من ضيم الليالي = أظل وحـْـدي أخاف ٱبـْـلايـه والي
وأخاف أمشي سبيه = يوادي الغاضريه
***
يوادي الغاضريه ٱشعـنـدك ٱوياي = شـيـسوّي گبالي ملتم عسكر ٱعداي
عـلـيـه خل تـذب الـضـيـم دنـيـاي = يـخـوّف گـلـبـي بـس ٱفراگ ولياي
ٱشـعـنـدك يـا رزيه ؟ = يوادي الغاضريه
***
أشـرْبِ السـيـف والله بـإيـدي دمي = وعلى الغبره يظل مطروح جسمي
ولا شـوفـن عـزيـز الـزهــره يـمي = ذبيح وجسمه فوگ الغـبره مرمي
تــدوسـه الأعـوجـيه = يوادي الغاضريه