عباس يا أبو الحميــــه - - - عباس زينب سبيـــــه
حركوا علينا الخيم - - - - - كوم يا راعي العلم
حيره حرت بهل المسيــــــــه
*********
عباس ناري بدليلـــــــــي
بجفاك مانمت ليلـــــــــي
حسين عالغبرة خليلــــــي
كوم يحزامي وكفيلـــــــي
كـــوم شيله من الثرة - - - - - كـــوم سبع الكنطرة
منحره فوك الوطيــــــــــــة
*********
والله لوحاضر وشـــــــفته
الشـــــــمر من حز ركبته
برجله يسـحك فـــوك جثته
تموت يمكن لو نظــــــرته
برجله يسحك عالصدر - - - - - خويه شاهدت الشمر
عالوجه جثتـــه رميـــــــه
*********
تسعــر بدلالـــــــي جمرة
عباس من كطــــــع نحـره
كربله من دمـومـــه حمـره
بالخيول نسـحك صـــــدره
هشموا منه الضلــــوع - - - - - وأنه بالحومـــــة ألوع
مهشمه ضلوعـــــــــه الأبية
**********
عباس شــــــفت المصايب
تـدري ســــــلبتني الكتايب
خوية من حكــــــي أعاتب
شفـت منــن دهري العجـايب
بعد أخوتي والخـــدر - - - - - ويالعدة بدرب اليسر
دوهنتنـــــــي الغاضــــــــرية
**********
محيرة خوية بأســـرتــــــي
عباس عالخــــد دمعتـــــي
والألم كطع مهجتــــــــــي
ماطفت تسعر جمرتــــــــي
جمري يحرك بالكلب - - - - - خوية فركاكم صعب
وين أروح بهل المســــــــــية
**********
بمجلس الظـــــــــالم وكفنه
والرجس كام وشـــــــــتمنه
وين أبو فاضـــــــــل هتفنه
رد أبن هنـــــــد الهظمـــنه
كوم رده ياشــــــهم - - - - - ترضه زينب تنشـــتم
كوم رد أبن الدعــــــــــية
