عمه زينب .. خل اروح بحضنه انام
عمه زينب .. اللـيله ماعدنه خيــام
وعله صدرة اجري دمعه .. بلكي بي نبضه واسمعه
عمه زينب
********************
انـه ياعـمه رقيه الليـله خـوف ونايبــات
خيمه ما ضـلت عـلينه كل خيمنه محرگات
ارد اروحن يم ابويه بلكي بي نبضة حـياة
لا توصيني يعمه اضلوعه ادري مكـسرات
عمه زينب .. خاف دمـعي يلچــمه
عمه زينب .. اضلوعه ادري مهشمه
مــن اروح ويـمه انعـه .. بلكي بي نبضة واسمعه
*****************
الدنيه ظلمه اوحشه ادري والابو جسمه بعيد
البارحه بحظـنه غــفيت الليله هـم يمه اريـد
ارد اروح وحيل اشبگه وراسي اخلي عالوريد
بلكي من يشـتم رقيه تردله روحه من جديـد
عمه زينب .. اشعندج انطيني ثياب
عمه زينب .. تـره نايـم عـالتـراب
ردت عن الگاع ارفعه .. بلكي بي نبضة واسمعه
******************
راح امشي الجسم ابوي واگعد ويــمه انوح
عمه هذا الماي اجـانه خلي اخذلـــه واروح
عله اشفافه ارد اگطر بلكي لن بي ترد روح
هدمه ماضلت يعمه حتـه اشد بيـهه الجروح
عمه زينب .. بخيمتچ ماضل هــدم
عمه زينب .. اجروحه خافن تـنلچم
والمــثلث مـن اطــلعه .. بلكي بي نبضه واسمعه
*************
امن الظـهر ما شـفته لَسه ردت اطمن عليـــه
ليـش ياعمــة تاخـر بالله ابـوي اشـصار بــيه
السـلب ترچـيتي عــمه والدي هــسه يجــيه
من سمعني ابتـسم هـو وگال ابوچ مگطعـيه
عمه زينب .. ليش ياعمـه ابتسم
عمه زينب .. وبيده راواني سهم
راد دلالـــي يفجــعه .. بلكي بي نبضة واسمعه
*******************
لاتلحگـيني يعمه لون يـم جـسمه بطيــت
ما يكـَفي الليل همي والله لو يمه شكيـت
ارد اگله بويه باچر ترضه لو انه انـسبيـت
بلكي يگعد لو سمعني عالنحر انه بچيـت
عمه زينب .. اشلون يرضه ننسبي
عمه زينب .. واحنه ما عدنه عـبي
لو نهض نحتمي بدرعه .. بلكي بي نبضه واسمعه
-------------------------
