زينب تنــــوح الليــــلة - - - يم الولـــــــي وتشـــكيله
والكلب محتـــار - - - - - بت علي الكرار
يم الولـــــــي وتشـــكيله 
**************
يتجاره مدمعـــــها العقيــــلة كالسيل
بخيمـة أخوهـا وراح من عدها الحيل
من شـــافت أجمــوع الكتائب والخيل
ضلت حزينــــة وحايــــرة طول الليل
تحجي له عن حيرتــــها - - - علخــــد تصب دمعتها
تسمعها الأنصــار - - - - - بت علي الكرار
**********
محزونــــــه زينب والحــزن غاطيـها
بالليل طلعت تشــــــــتكي الواليــــها
تدري العساكر كل رحـــم مـابيـــــها
والعيـــــلة بعـــــــدك ياهو ليحـاميها
لو هجم خويـه العسكر - - - يا هو ليحامي الخـــدر
من كوم الأشرار - - - - - بت علي الكرار
**********
ختاض وغضب لمن سمعها العباس
وهز العلم والســيف راعــي لنوماس
شحدها العـــدة تدنــاج زينب والناس
ماطولنـــي سـالم يضل عالـي الرأس
هـــز العلم والرايـــــة - - - لمن سمع لحجــــاية
والدمع طشار - - - - - بت علي الكرار
****************
سبعين أنصـــــاره وعداهـــم آلاف
حقها العقيــلة تشتكي ومنـــها تخاف
تعرف أميه أنذال ماعـــدها إنصاف
من تغدر بأل الرســول الأشـــــراف
بالغدر هــــي معروفـه - - - خانتــــها أهل الكوفة
و بولية أشرار - - - - - بت علي الكرار
**************
وياك أجيـــت وانتـه كافل خـــدري
لو رحت عنــي شـلي خوية بعمـري
باجر يخـويه الدمع عالخد يجـــري
ما حسبيت أحسـاب بالطف دهــري
لو رحت يا أبو الغيرة - - - أبقـــه وزماني بحيرة
وبحيرتي النار - - - - - بت علي الكرار
***************
بالطف زمانــي جابنــــي وراوانــي
وبمصاب إخوتـي بكربله أذانـــــــي
ترضــــه يا كافل خيمتي وصيوانــي
أمسي وحيـدة بلا حمه ياخوانـــــــي 
انه العقيــــلة زينب - - - ترضون خويـــه أتسلب
يا نســل الآطهار - - - - - بت علي الكرار
***************************