مثلك انا مظلوم ** حال الضيم حالي
******
بعدك مالگينه بـــــــــس نوايب
من كل صوب ترميني المصايب
عليل وما بگـــــــت عندي گرايب
مااگدر اذا گوم ** تدري بالـــــــجرالي
******
اخفــف علتي بالنـــعي والنوح
وبگلبي تون وتنـــام الاجروح
شلون اصبر يبويه عني تروح
ظلت بس الهموم ** مسوده الليالي
**********
اتمــــــــــــنه تروح الروح وياك
صعب كلش صعب يابويه فرگاك
ما اگدر يبو الســــــــــجاد انساك
گلبي ينزف دموم ** ماواحد بگالي
*********
ظلت صورتك مرسومه بالعين
اسمع صوت يصرخ اّه يحسين
واحس گلبي يبـــويه صار نصين
حيلي كله مهدوم ** راحت كل رجالي
*****
راوانـــه زماني اشــگد اذيه
چي احنه ولد سيد البــــــريه
وحگ نحرك يبو نفس الأبيه
ماانساك أنّه بيوم ** يالصبرك مثالي
*****
اظل انحب عليك اليل وانهار
ماانسه ابد كل ماجره وصار
مثلك مااطــخ راسي للأشرار
اعلم انسگي سموم ** وتتعذب عيالي
