إخـذني إويه النعش يا خويه يا مظلوم ووسـدنـي ابـتراب المجتبه المسموم
***
عقب عين الحسن يا خويه وين إنروح عـقـيلة حيدر إتصيح إبقلب مجروح
نـظـل بين الوسافه و الدمع و النوح وعـلينه تجتمع عكبه غصص وهموم
***
تـظل وحشه و خليه عكبه دار الجود تصيح الشيمه و يصيح العطف و الزود
جـف الـيعطف إعله المنهضم مفقود يـظـل عقبه اليتيم إمن الفرح محروم
***
يـبـو الـيمه دريض بالنعش يحسين يـطـلـبون النعش زمرة اميه بدين
ثـار إحـنين و ثار الخندق و صفين و ثـارات الـجمل خويه تريد القوم
***
تـدفـنـون الحسن و بمنزلي هيهات وهذيج إوياهم إتصيح إبحقد ما مات
مـنـه و من علي آنه شفت لوعات كـون أثـأر مـنه و من أبوه اليوم
***
جـنـي بـالـعـده بـالنبله تتولاه يـبـو الـيـمه إخذني بالنعش وياه
أريـد إبجسمي جسم إبن أمي اتفداه و لا من كل عضو تجري يخويه دموم
***
أحـس إبـفرقته صبّح صبح عاشور و جن نحرك أشوفه إعله الترب منحور
و قـلبي منكسر و إعله الأهل مالوم و جـني إميسره و بيه الأعادي إتدور
