يالرايحين لكربله وياكم اخذوني
آنه رقيه وبالخرابه لا تخلوني
خلصن ايام اليسر
طلعوني من الگبر ،.. وياكم اخذوني
..........………
اخذوني يم مرقد حبيبي ارد اطوفه
الچنت لو لحظه بحياتي ما اعوفه
( اخذو بس عيوني وياكم تشوفه)
والله مشتاگه اقبلهن چفوفه
راس الابو يم الجسد لمن تدفنونه
مابين الاكبر والطفل گبري تحفرونه
ارد اشم ذاك العطر ... طلعوني من الگبر وياكم اخذوني
......
گلبي ما يهدأ ولا يفتر حنينه
بگبري ولساني يصيح الغالي وينه
( ارد ازورن والدي يوم اربعينه)
نريد نبچي اعله الگبر آنه وسكينه
كل اليروح الوالدي وايقبل اعتابه
عني نيابه بكربله خل يشتم اترابه
وسلمولي اعله البدر. طلعوني من الگبر
..................
"خادمة (النجفية )الحسين "
نشرت فى 16 سبتمبر 2015
بواسطة yahussin
" تُرْاٌثُ آلِ مُـحَمَّـدْ اٌلـمَـكتْوِبّ "
عدد زيارات الموقع
1,002,405