خوية يحسين شبديه راحت من ايدي رقيه

                                                                **

خوية دمعتها على خدها    وفكدك الطفلة مردها

والحزن فتت جبدها    وحسبت وياي اردها

لكن الموت السبقني     ودهري بيها ما رحمني

ومني تاخذها المنيه    راحت من ايدي رقيه

*******

بالحزن ظلت            تنوح سهرانه اليالي

تنادي وينك يادليلي       شوف همي وشجرالي

تصيح بويه يا حبيبي   وينك تطفي لهيبي

شبت بكلبي سريه      راحت من ايدي رقيه

*****

لوعتني ولوعتها     شلون ياخوية عفتها

ونمشي عنك ودعتها   وراسك برمحه ايستهه

وعالرمح راسك تسأله   عنك بحسرة تسأله

وينك بهي المسيه     راحت من ايدي رقيه

***

تنشد ومحد خبرها    تيتمت خوية بصغرها

ظلت بلوعة قهرها   تشتكي بحسرة يسرها

بالطشت راسك اجاها      وهالدهر بعدك ولاها

وشكثر شافت اذية          راحت من ايدي رقيه

****

بحسرة ماتت ياوليها    عليك مهمومه وحزينه 

شلون عفناها ومشينا    هناك مدفونه واجينه

وبالحزن خلص عمرها   تشتكي حتى بكبرها

تنادي ياخويه عليه    راحت من ايدي رقيه

****

جن تناديني يعمه     بكربلا اخذيني يمه 

خل انشدنه واشمه    ورسمه بعيوني اضمه

ولا اضل عمه بعبرتي  تجرح الوحشة جبدتي

تكلي خلينه سويه   راحت من ايدي رقيه

****