كــأنك
وكأنك كنتى حاسة
إن العمر راح يفوت
ولمستي قلوبنا لمسة
وصاحبني بعدها السكوت
ولأنك ست الكل حقيقي
صرخنا بأعلى صوت
إزاي تبقي انتي قمرنا
وقمر الدنيا يا حسرة يموت
لا كنت معارض لحظة
ولا يغضبني أمر الموت
لكني يا رب حزين على
بلدي هاجرها شجر التوت
أرزقها يا رب الجنة دا انت
بصفتك رحمن رحيم
محلاها يا رب وفاتها
كانت جنازتها في شهر كريم
وأرزق أولادها الرأفة
وأجعل جوزها بعدها صميم
و إجعلني أمير الصبر
أنسى المر وأكون حليم
ويارب تكون دلوقتي بين
الملايكة عايشة في نعيم
بقلم / أحمد البحيري
