أصبحنا نعيش في مجتمع غريب وظروف عجيبة وكل هذه تشكل سلبيات تهدد كيانك كأنسان بشكل عام يعيش علي الارض وللأسف الشديد بأختصار شديد دون أن أطيل علي حضراتكم الموضوع له أبعاد كثيرة أصبحت متشابكة ومعقدة الي أقصي درجة أي أن السلبية أصبحت سمة تلازم المواطن والكائن الحي بصفة عامة والمواطن المصري بصفة خاصة أتفضل حضرتك فكر كده وأنزل الشارع يا هتلاقي بلاوي لا تعد ولا تحصي يعني مثلا خد عندك علي سبيل المثال لا علي سبيل الحصر واحد ماشي بعربيته في الشارع في امان الله فجأة تعطل العربية بيه طب يا جماعة معلش بس زقة بسيطة الله يباركلكوا  ولا الدموع يا صاحبي كل واحد يقول وانا مالي ياعم انا وراي شغل هو انا فاضي وحتي لو كان فاضي يقولك انا ناقص قرف ع الصبح مع ان لو اتحط هو في الموقف ده هيطلب مساعدة غيره طب اشمعنا؟ موقف تاني شركة بتعلن عن وظايف لمجموعة شباب من الخريجين وفعلا جه شاب مناسب في مجال معين فطبيعي ساب الشاب بياناته والسي في بتاعته و بعدين مات الكلام علي كده مع انه موهوب جدا في مجاله بس المشكلة ببساطة هي انشغال السكرتاريه بأمور كتير فنسيوا يتصلوا بالغلبان ده  فراحت الشغلانة يا عيني هدر مع ان المتقدم للوظيفة شاطر جدا بس هنقول غير اهمال وقلة أصل مع أن التحفيز مطلوب جدا عشان يحصل عملية ابداع وبالذات لو كان المتقدم للوظيفة موهوب بجد وعلي فكرة الكلام ده مش من دماغي ده للأسف من واقع الحياة اللي بنعشها يعني أتفضل حضرتك حدث ولا حرج ولا تعقيب