{{ ضاع الجمل بما حمل }}

ما ظل من الحكي يا روح

 ولا قطمير

ماظل سر عندنا مخبى

ما ظل بير

عرّانا الزمن غصب عنا والستر مشقوق

والشيب عمرو ما عرف  بكبير

 ولا بصغير

عرّانا الزمن و وصلت معو ..

يسحب من فوقنا الغطا 

ويسرق من تحت منا الحصير

أوف اوف اوف

لا جامع يهدي حدا 

لا كنيسة

لا خلوة

ولك ولا حتى دير

كل المواقع  لك عدو

يا شعب يا مسكين يافقير

ما ظل عزيز ولااااا ظل عنا صواع

كل شي من بين الأيادي ضاع

وما عاد في قافلة محملة بطحين

ويبست على الابواب زهور الياسمين

 ولك ضاع الجمل بما حمل

وشردت معاه العير

.....

اي اي رح أسكت وسدو

هاد الزمن مو مأمون ردو

يمكن الحكي جريمة وعقابها

إعدام بالميدان ..

أو عالقليلة فيها قطع للّسان

لنو بهالزمن كل شي حق

 عيب نحكي فيه 

والاعظم من هيك بتكون مجرم اذا تملك ضمير... ......

الشاعر رائد سويدان

 ٱلنٌےـفُےـمِےـ ٱلحًےـٱئر