(إنت وحدك حبيبي)
أوعدك حبيبي نبض قلبي كله ليك علي طول
وافكر في حد تاني غيرك أبداً ده مش معقول
وهتفضل مشاعري وأحاسيسي العمر كله دايبه فيك
وآه لو تعرف ياعمري أنا قد إيه بحبك وبغير عليك
من يوم ماحبيتك ياروحي حبيت صوت نبض قلبك
ودايماً بيدوبني عطرك وانا دفيان في حضنك
حبيت الليل معاك واتمنيت ساعاته تطول علشانك
وكرهت الليل وانت مش معايا وافضل اشكي من غيابك
حبيبي وانت بعيد عني حرماني منك بيتعبني
ويفضل شوقي وحنيني ليك علي طول معذبني
والليل كله قلبي بيتألم وأفكر في هواك واشتاق لغرامك
والآقي قلبي بيبعت لقلبك مشاعري واحاسيسي علشان ينشغل بالك
من غير أي كلام يقراه حد تاني غيرك
ماهو قلبك ياعمري وحده من دون كل القلوب
لما نبض قلبي يروحله هيحس بيه ويدوبه دوب
إنت وحدك حبيبي وحلم عمري الحقيقي
والفرحه إللي فرحني بيها الزمان
ومن يوم ماشوفتك قولت خلاص جاني قدري ونصيبي
ومن نظرة عنيك ولمسة ايديك عرفت طعم الحب والحنان
ولما بتغيب عني حبيبي بحس إن الهواء عني راح
والآقي أنفاسي غابت عني وقلبي عليا صاح
ولما الشوق يجيبك ليا وتحضني تاني ارتاح
وقبله منك ومني ترجع ليا روحي وتحييني تاني
ياأجمل حب وغرآم
هداني بيه زماني
خواطر ( اشرف الدغيدي)
حقوق النشر محفوظة
