نسيتك اتمنى تنال اعجابكم
وحق الله لاخون قلبك وابيع حُبك
وادوس على كل اشواقى
ولو جابنى النصيب جنبك
مكونش عليك فى يوم باقى
وحق الحُب والعشره وسهر الليل ف وسط دموع
لييجى اليوم يكون املك تنام ليله ومش موجوع
وحق القلب اللى صدمته فى مشَاعره
وسِهر الليل يكتب بالدموع شِعره
وجرحى اللى افتكرته رخيص
فووووق متقدرش على سِعره
صحيح قلبى رحيم جدا ولكن✋
كل شئ له حدود
ولو كنت انتا فيه ساكن
دا يبقى الدم فيه مرفوض
زماااان انا قولتلك جُمله
امانه قلبى ماتخونهوش
رميييت الكلمه فى الرمله
ودوست عليه ومرحمتوش
ومُش ندمان ومش هندم
ولا اعرف للندم ده دروب
ولو قلبى ده مات فيكى
هبدل كل يوم فى قلوب
كلماتى/عبدالسلام الطوخى