((أنا أستاهل ))
أنا أستاهل
أنا الغلطان
عشان حبيت
بعت الدنيا علشانك
وعلشان تكون سلطان
وعشان اتهنى بوجودك قدمت ١٠٠ مليون قربان
حنيت لأصلك وألاعيبك
وبان عيبك
وفى الأخر
أنا الغلطان
عشان حبيت
ومن قلبي
وشوقي ليك بيغلبني
وصدقت أكاذيبك
وفوق الموج طريق مرسوم
بندوس عليه وبنعدي
ونوصل حلم كان وردي
قبل الورد ما يذبل
وطريق الغدر كمان يحبل
ويولد نار وتكويني
قولت أفوق
ملعون الحب وسنينه
رغم إحنا اللي عايبينه
وقصر الغدر بانينه
وكلام الحق هايبينه
عشان بيدين
وفين الدين
لإبن لأبوه بيبيعه
كترت عليه مواضيعه
وفى الأخر يكون غلطان
ونرمي العيب عليك يازمان
والعيب على مين
على الشقيان
ماشي حافي
فى قلب الطين
رابط حزام على بطنه
شهور وسنين
عشان إبنه يعيش باشا
مع السلاطين
والباشا عديم إحساس
أعمى القلب قبل العين
ومش داري لا بالعيب
ولا ألاعيب
ولما القلب يتحجر
على الوالدين
يحن لمين
خليك فاكر
دينك ده ع تسده
ولو راجل بقا عده
وخليك فاكر
دمع وسال
على خده
خانه سنده
وحلم كبير وبتهده
وأنت الخسران
١٤/١/٢٠٢٢
