( أنا إللي خاني قلبي ) أغنية
أنا إللي خاني قلبي
وأنا باللي كان
........................مرتاح
خدني في طريق وقالي
ياللا عيش
....................... الأفراح
وفي بحر الشوق
....................... رماني
ولف بيا زماني
خلاني أعيش
....................... من تاني
في قصة حب
...................... وجراح
أنا إللي خاني قلبي
وفي لحظة دق
...................... دقة
وحسيت بإحساس
...................... غريب
مقدرتش أقوله
..................... لأ
لما شاغلني
..................... الحبيب
لاقيتني في دنيا
.................... حلوة
أجمل من أي
................... غنوة
ونساني كل حاجة
وبقيت للعشاق
................... طبيب
أنا إللي خاني قلبي
نسيت إللي كانوا
.................... مني
ودبت جوايا
.................... الروح
مراعيتش حتى
.................... سني
ويا روح ما بعدك
.................... روح
وعيشت مع
.................... الهنا
مش فاكر غير
.................... أنا
ولما غدر بيا
.................... زماني
لاقيتني طير
................... مدبوح
أنا إللي خاني قلبي
الله يجازيك
................... ياقلبي
على إللي عملته
................... فيا
ذنبك دا مش
................... ذنبي
وبتجيب اللوم
................... عليا
عايش في دنيا
................... العدم
ومعدش ينفع
.................. ندم
حرام عليك
.................. يا قلبي
نشفت دموع
.................. عينيا
أنا إللي خاني قلبي
مش قادر بجد
.................... أسامحك
ومعدش ليك
................... أمان
ولا هنسى ف لحظة
................... جرحك
ولا هقدر يوم
.................... ع النسيان
وسيبني أعيش في
.................... همومي
متداري وسط
................... هدومي
وأداري جرحي
................... وأخبي
يمكن أرجع تاني
....................إنسان
أنا إللي خاني قلبي
بقلمي الشاعر/ وحيد محروس خليل/ مصر
