امبارح اتكلمنا عن معنى النجاح وبأختصار شديد كده للناس اللى مقرأتش الجزء
الاول
النجاح هو ارتقاء الفرد بنفسه فى الجوانب الروحانيه والاجتماعيه والصحيه
والمهنيه والماديه وانفسيه ولو عاوز تتعرف اكتر اقرأ الجزء الاول
والنهارده بأذن الله هنتكلم عن اهميه النجاح لكل واحد فينا بس احنا كلنا عارفين
ان النجاح مهم ليه بقا
اولاً ودى اهم حاجه احنا بننجح فى حياتنا ارضاءً لله تعالى ربنا قال فى القرءان
الكريم "انى جاعل فى الارض خليفه" وفى ايه تانيه "وقل اعملو"
ربنا شرفنا بأننا خلفاؤه فى الارض ولازم عشان كده نكون ناجحين فى حياتنا
على الست محاور مش محور واحد بس عشان حياتنا تمشى بأنتظام
وفيه قانون كنت قرأته بيقول "ان لم تزد فأنت زائد" على فكره انا مش عاوز
من حد انه يسيب مهنته مهما كانت مهنته بسيطه
بالعكس انا نفسى كل واحد ينجح فى موقعه
ربنا بيقول "كنتم خير امه اخرجت للناس"
يبقا معقول خير امه يكون نجاحهم قليل
تانى حاجه ان النجاح بيدى للواحد طاقه ايجابيه بتساعده على التقدم فى حياته
تعرفوا ايه هيا اقصر قصه حياه
"ولد ثم مات"
ودا الانسان العادى اللى اتولد واتعلم وعاش حياته عادى خالص ومات
اللى مسابش بصمه الناس يفتكروه بيها
من النهارده
ابدأ
خد عهد بينك وبين نفسك ان حياتك متكونش عاديه
جدد
طور
ابذل مجهود
خلى قصه حياتك متنتهيش
خليها "ولد ثم راحل عنا جسده لكنه ما زال بيننا"
ودى اروع قصه حياه لأنسان على وجه الارض
ومن النهارده برضه
عاهد نفسك انك تكون ناجح
ومتفوق فى مجالك
مفيش حد يقدر يموت فكرتك
عشان ترضى ربنا
وعشان قصه حياتك متنتهيش
***انتظرونا غداً فى تمام 11.30 والكلام عن اول مفتاح من مفاتيح النجاح
انتظرونا
