الزهراء (تصميم - استخراج تراخيص - اشراف علي التنفيذ )

( ان خير من استاجرت القوي الامين )

فى الجزء ده هنعرف ازاى نوزع الاثاث فى الشقه
وازاى نختاره 
وفكرونى اكلمكم عن انواع الخشب
واستيلات الفرش
فكرونى علشان الزهايمر


ازاى تفرشى شقتك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟


قبل ما تفكرى فى الفرش فى ثلاث عناصر اساسيه هتحطيها فى بالك وهى اللى هتختارى الفرش على اساسها
العناصر دى زى المثلث مينفعش نتجاهل اى عنصر فيهم




الاشخاص اللى هيعيشوا فى الشقه____________الميزانيه_________المساحه




الاشخاص

هنحط تحت العنصر ده كل ما يخص الاشخاص

اعمارهم _عريس وعروسه- اسره وبها اطفال- اسره عندهم شباب- اسره بدون اطفال .........الخ

اذواقهم -ايه الالوان اللى بيحبوها- استايل الفرش اللى بيفضلوه
احتياجتهم والانشطه اللى بيقوموا بيها فى المنزل
هتقولوا يعنى ايه يابتوكه 
؟؟؟؟؟؟؟؟؟؟؟؟؟؟؟
معظم الناس بيقضوا الوقت فى البيت بين النوم والاكل واستقبال الضيوف والمذاكره .....................الخ
بس كل شخص ليه طريق معينه واسلوب خاص بيه
مثلا فيه اشخاص لازم يتفرجوا على التلفزيون وهما بيكلوا
وفيه ناس بيستقبلوا ضيوف كتير وناس العكس 
وفيه ناس بتكمل شغلها فى البيت على الكمبيوتر مثلا
كل الانشطه دى المفروض احطها فى اعتبارى واحاول اوجدلها مكان جوه البيت 
يعنى لو جوزى بيخلص شغل ليه على الكمبيوتر
فى البيت وبياخد وقت كبير
المفروض هعمله ركنه مثلا زى كده





العنصر الثانى 
الميزانيه

ازاى تقدرى تحددى الميزانيه 
؟؟؟؟؟؟؟؟؟؟؟؟؟؟
ده عن طريق انك تقومى بجوله داخل محلات الاثاث وتشوفى متوسط الاسعار ايه 
وبكده تقدرى تقررى ميزانيتك


فى غلطه بنوقع فيها اثناء وضع الميزانيه

اننا بنعمل حساب الفرش والتشطيب والاجهزه وننسي الاكسسورات رغم انها لاتقل اهميه عن باقى العناصر 


العنصر الثالث
المساحه

هى عنصر هام ومؤثر جدا 
لابد له من تخطيط جيد 
لابد ان يكون كل مكان محدد ماسيوضع به بدون زحام 
ولابد ان تضعى فى اعتبارك اماكن التخزين


باختصار لازم يكون عندك تخيل لكل حاجه ممكن تعمليها جوه الشقه وتلاقى حلول لكل حاجه


معلش رغيت كتير بس فعلا النقط دى مهمه جدا


تابعونى وهكمل معاكم اوعوا تروحوا فى اى حته

بعد ماحددنا احتياجتنا وعرفنا ميزانيتنا

عايزين نعرف ازاى نوزع الاثاث فى الشقه 
والموضوع ممكن تحسه صعب لكن صدقونى هو سهل جدا وبالعكس شويه وهيبقى هوايه



يلا نبدا



مطلوب من حضرتك تجيبى كراسه مربعات اللى بيستعملوها التلاميذ فى حصص الرياضيات والهندسه 
زى كده




كل مربع هتعتبريه 20 سم
وبالتالى 5 مربعات هيبقوا بيكملوا متر



وبعدين على الورقه هتحددى مساحه الغرفه 
ولتكن مثلا 
4متر فى 3 متر



متهيئلى لحد كده الموضوع سهل جدا


بعد تحددى الغرفه ارسمى مكان الباب والشباك 

زى كدا مثلا



كدا الغرفه جاهزه لابداعك


وتابعونى هكمل باذن الله

قبل ماتبدى تحطى الاثاث
خليكى فاكره انك تحددى الممرات فى الغرفه
اي هى الممرات 
هى الاماكن اللى مينفعش نحط اثاث فيها 

1-الابواب لازم يكون امامها 90 سم 
2- الشبابيك يفضل اننا نترك مسافه 30 سم علشان يسهل فتح النافذه وتنظيفها
3- التلفزيون او المكتبه او المدفاءه يفضل ان نترك مسافه لاتقل عن 80 سم حسب الاستعمال


كمان لازم نحدد الممرات وخصوصا لو فيه اكتر من باب للغرفه

يعنى خذي بعين الإعتبار مواقع الأبواب وكيف يتحرك الناس داخل الغرفة ومنها أو إليها. أيضاً، اهتمي بموقع النافذة وكيفية الإستفادة من الضوء الطبيعي، وكيفية تفادي وضع أثاث أمام جهاز تكييف الهواء، على سبيل المثال. 


وتابعونى
اوعوا تروحوا فى اى حته

اللى فات هينطبق على اى غرفه

بس خلينا ناخد
غرفه الجلوس


هنتخيل الغرفه دى غرفه جلوس

او غرفه معيشه




وطبعا احنا حددنا مكان الابواب والشبابيك


الخطوه التانيه هنحدد

الحائط الرئيسي

انا هنا اخترته وعلمته باللون الازرق
زى الصوره



يلا بسرعه
اسالونى

ايه فايده الحائط الرئيسي


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


سمعتكم
حاضر هقول بسرعه



فايده الحائط ده


انه هيكون مركز الاهتمام فى الغرفه


مثلا هتعملى دهانات الغرفه كلها بيج مثلا وهتعملى حيطه واحده نبيتى 
هى ديه الحيطه اللى هتكون نبيتى


كمان هنحط فيها الكنبه الكبيره

زى الصوره



اقولكم على حاجه كمان

احيانا مهندس الديكور يختار لوحه او تابلوه جامد وحلوه 

ويحطه على الحيطه اياها

ويركب الاثاث من خلال الوان وشكل اللوحه دى

ركزووا فى الصوره دى



متهيئلى قصدى واضح

حد يقولى 
واضح 


هتحددى مساحه الكنبه ازاى

شوفى هو فيه مقاسات متعارف عليها 
يعنى الكنبه الكبيره غالبا بيكون متوسطها 210 سم طولها 
ممكن يزيد او يقل

حسب الموديل

يبقى انتى لما تروحى تشترى الانتريه 

هتكونى عارفه انتى بتلعبى فى مساحه اد ايه

اه سمعتك 
واحده بتقول طيب انا صالتى صغيره 2فى 3 متر هعمل ايه

اختارى ركنه هتلاقيها اقل او اختارى كنب يكون 2 مقعد مش تلاته زى اللى رسمتها










اللى اقصده خلي تفكيرنا مرن
بلاش نحبسه جوه رسمه او صوره عجبتنا


يلا تابعونى

نرجع تانى لحكايه الحيطه الرئيسيه حطينا فيها الكنبه الكبيره
صح

نحط الكراسي الصغيره حواليها

ايوه صح زى الصوره دى




طيب هرجع للى شقتها صغيره 
والصاله يدوب 

عارفه تعملى ايه

بدل ما تحطى كرسيين 

حطى كرسي

ومسند قدم

ايه الفرق

مسند القدم مساحته اصغر
وفى نفس الوقت زيه زى الكرسي هيكون لضيف او لطفل

واحيانا ممكن نستعمله اشبه بترابيزه صغيره
واحيانا بيكون فيه مكان للتخزين




هههههههههههه
ايه رايكم


نكمل

هتكملي فرش الغرفه عادى

بس فيه حاجات هتخدى بالك منها وانتى بتفرشى
ايه هى الحاجات دى

حاضر 
تابعونى وانا هقولكم

نصايح هاااااااااااااااااااااامه جدا فيما يخص غرفه ؤالجلوس او غرفه المعيشه

-طبعا هى غرفه بنقضى فيها وقت طويل
لازم نهتم انها تكون مريحه فى كل شيئ

اولا وضع اثاث كتير فيها واكسسورات هيحسسنا بالضيق وان المساحه صغيره
الاحسن اننا نركز على الاثاث الضرورى
(كنبه او اريكه -طاوله قهوه - تلفزيون )
مساحات الاشياء دى نحاول نحددها بناءا على المساحه

لان فيه
مكتبه بالحجم ده


وفيه مكتبه بالحجم ده


-اختارى طاوله القهوه خفيفه ويسهل تحريكها






لو صالتك ضيقه استغلى الابتكارات الجديده كوحدات تخزين
زى الصندوق ده ممكن تحطى فيها لعب الاطفال 



واستغلى طاوله القهوه لتخزين الكتب والمجلات



لاتتنازلى عن عنصر الراحه فهو الاهم فى هذه الغرفه






طبعا لو فيه اطفال مش هوصيكى لازم يكون قماش الكنب يستحمل وياريت يكون قابل للغسيل

trkhes

elzhraa

  • Currently 113/5 Stars.
  • 1 2 3 4 5
38 تصويتات / 4610 مشاهدة
نشرت فى 28 مايو 2010 بواسطة trkhes

ساحة النقاش

عدد زيارات الموقع

91,618