ظلمناه ! لما جالنا مجرد شك ان قواتنا المسلحة ضعيفة و غلبانة .. بجد حاسس اني مكسوف من كل رجالة القوات المسلحة .. الظباط اللى مقضيين حياتهم بعيد عن اسرهم و مدنهم .. سنة في سينا و سنة في الصعيد و سنة في السلوم و هكذا .. الجيش المصري .. فخر الجيوش العربية .. حائط الصد المنيع منذ الازل و الى الابد .. جيشنا علم الهكسوس و التتار و الصليبيين و الفرنسيين و الاسرائيليين و كل الاستعماريين معنى كلمة حرب و أثنى عليه النبي محمد صلى الله عليه وسلم إذ قال : " إذا فتح الله عليكم مصر بعدي فاتخذوا فيها جنداً كثيفاً، فذلك الجند خير أجناد الأرض، قال أبو بكر: ولم ذاك يا رسول الله؟ قال: إنهم في رباط إلى يوم القيامة " ص (كشف الخفاء 2/276) تمتلك مصر جيشا هو الاكبر أفريقيا و عربيا وهو القوة المركزية فى الشرق الاوسط بجانب إسرائيل ، إلا أنه يتفوق على الدولة العبرية في مجموع القوات العاملة والاحتياط، والقوات البحرية كما ونوعا، والطيران كمّاً وليس نوعا و يتفوق الجيش العبري بإمتلاكه السلاح النووي . هنبدأ واحدة .. من اول السلاح العادي .. سمعتم عن الكلاشينكوف ؟ .. مصر طورت الكلاشينكوف و صنعت مجموعة بنادق اسمها المعادي و اتضح انها من افضل اسلحة المشاه المحمولة و مصر بتصنعها و بتصدرها للخارج كمان مصر كمان بتصنع دبابة اسمها رمسيس و اتضح ان الدبابة دي قوية لدرجة ان سمك الفولاذ فيها يعادل سمك الفولاذ في الدبابة الامريكية تشالنجر .. و بتصنع ناقلة جنود مصفحة اسمها فهد و دي قوية جدا و برضه بنصدر منها لدول كتير جدا اما المدفعية فحدث ولا حرج , مصر بتصنع صواريخ من اول الصاروح صقر كل العيارات مرورا بصواريخ الاباتشي نهاية بقذائف الار بي جي و تخيلوا قدرة المصنع قد ايه ؟ سمعمائة و خمسين قذيفية يوميا .. يعنى حوالي مائتان و سبعة و ستين الف قذيفة سنويا .. ده من نوع واحد بس من القذائف المضادة للدبابات اما عن الصواريخ بعيدة المدى فإسرائيل اعترفت اخيرا ان مصر تمتلك صواريخ سكود بعد ما كانت بتهدننا انها اذا اكتشفت صواريخ بعيدة المدى هتضرب السد العالي بالاضافة لصواريخ باليستية محدودة العدد و مع انها تعتبر من اسلحة الدمار الشامل الا ان امريكا مكبرة دماغها قصاد احتجاجات اسرائيل اللى طلعت مالية جرايدهم كل شوية على اساس ان مصر حليف قوي لامريكا و امريكا مش مستعدة لخوض حرب جديدة في المنطقة .. طبعا بعد ما تخلص حربها الجاية في ايران .. و خصوصا مع مصر او الجزائر او السعودية لان الثلاثة دول هيأثروا على اي وجود امريكي في المنطقة و السؤال دلوقتى .. ليه القوات البرية المصرية قوية ؟ الجواب : عشان عندنا حوالي 4000 دبابة قتال مستعده تكون في الميدان وقت الحرب فورا و منهم دبابات الامبرايز الامريكية التى لا تمتلكها اسرائيل .. بالاضافة الى ان القوات البرية تم ميكنة كتائبها بالكامل يعنى الجنود مش هيتنقلوا في عربيات نقل زي ما حصل في حرب 1973 لكن في عربات مدرعة مصرية الصنع .. بالاضافة الى اننا عندنا مدافع بأعداد مهولة تكفي لدك ثكنات اي عدو مهما كانت تحصيناته , و يجب ان لا ننسى ان جيشنا فيه عدد من الفرق الخاصة مثل العقرب و 777 و تلك الفرق شاركت في مناورات كبرى مع دول مثل امريكا , انجلترا , المانيا , فرنسا , ايطاليا و كمان عنصر العدد فجيش مصر الاساسي حوال مليون و ربع المليون جندي و في حوالي 18 مليون جندي على قائمة الانتظار منهم 15 مليون مهيأيين للقتال فعلا كليب لتدريبات القوات البري - المزيد من الكليبات في صفحة البحث و نيجي للقوات البحرية مصر لديها اكبر اسطول بحري في الشرق الاوسط و افريقيا .. 220 قطعة بحرية منهم 70 قطعة قتالية في حين ان اسرائيل مثلا عندها 19 قطعة قتالية فقط كمان عندنا 5 غواصات مصرية و بحلول 2012 هيتم شراء المزيد من الغواصات بالاضافة الى الهليكوبتر البحرية اللى طلع عندنا منهم 24 هليكوبتر مضادة للغواصات و دي صفقة فعلا مبروك لمصر عليها عشان دي هتفيد البحرية جدا بالاضافة لحوامات تانية كتير كمان عندنا كاسحات الغام و فرقاطات بحرية كتير بالاضافة لسفن نقل الدبابات و المعدات و طلع كمان عندنا صواريخ هارفون البحرية اللى الكونجرس اخيرا وافق انه يسمح لنا بشراه على اساس انه ممكن يشكل خطر كبير على جراننا و الصاروخ ده ثمنه ثمان مائة الف دولار للصاروخ الواحد .. مش للدستة و نسيت اقول ان طلع عندنا 10 بوارج هي الاكبر في افريقيا و اسمها Mubarak Clas طيب هنسأل نفس السؤال ؟ ليه البحرية المصرية قوية ؟ اولا بفضل الكم .. اكبر اسطول بحري في الشرق الاوسط و عشان دولة تجيب نفس العدد من القطع البحرية محتجالها فلوس كتير و وقت طويل لحد انتهاء تصنيعهم و لو حد قالي بس احنا معندناش حاملة طائرات هقوله فرنسا معندهاش غير حاملة طائرات واحدة و مش هنحتاجها لسبب ان الحرب لو حصلت يمكن لطائراتنا الاقلاع و العودة للمطارات لكن يوم ما يحصل حرب بيننا و بين دولة بعيدة زي البرازيل مثلا هقولك ايوة محتاجينها .. لكن ايه اللى هيخلينا نحارب البرازيل ؟؟ يمكن عشان البن طلع مضروب ؟ و كمان تحكمنا جغرافيا في المعابر المائية اللى هتصعب على اي عدو الدخول معانا في معركة بحرية حمل فيديو تدمير المدمرة الضخمة ايلات , احدى مهمات البحرية المصرية كليب لتدريب افراد البحرية المصرية - لاحظ ايديهم مربوطة خلف اجسامهم بالاضافة الى ارجلهم نيجي بقى للمهم , القوات الجوية .. لان غالبا عدونا ايا كان هيحاول يبتعد عن صدام بري او بحري بيننا في الاول فيلجأ للحرب الجوية لكن المفاجأة .. مصر هي رابع دولة في امتلاك طائرات القتال اف-16 من حيث الكم مش مصدقين ؟ طب ايه رأيكم ان عندنا 4 نسخ مطورة منها .. هتقولي يا عم تلاقيها طيارة تعبانة هقولك دي الطيارة اللى اسرائيل قصفت بيها مفاعل صدام النووي و دي الطيارة اللى استخدمتها في حرب لبنان و دي الطيارة اللى امريكا دمرت بيها بيت الزرقاوي و الجميل في الموضوع ان عندنا ظباط مدربين عليها لاكثر من 2000 ساعة و دي محصلتش في 73 خالص و تشمل مصر بالكامل شبكة دفاع جوي تعتبر هي الأعقد في العالم إذ تضم عشرات النظم الشرقية والغربية وتغطي كامل سماء جمهورية مصر العربية . ومما يزيد من صعوبة اختراقها تعدد الترددات والشفرات الخاصة بها نظراً لتنوع مصادر تسليحها مما يجعل الشوشرة عليها امراً صعباً ومعقداً و ينطوي على مخاطر كبيرة يعنى صعب انك تلاقي دولة عندها طيران شرقي زي الميج و السوخوي و طيران غربي زي الاف-16 و الميراج و الفانتوم بالاضافة لكده عندنا اعداد كبيرة من الهليكوبتر القتالية منها الطائرة الاباتشي المتطورة و القاذفات التوبوليف العملاقة قائمة بالطيارين المصريين المتدربين على طائرة الاف-16 لاكتر من 1000 ساعة معلومات عن المطارات المصرية واعداد الطائرات بها لمشاهدة المزيد من صور الطائرات المصرية مصر كمان بتصنع طائرات تدريب جميلة جدا و طائرات استطلاع بدون طيار و بتطور في طائرات الاف-16 اللى عندها و السؤال ليه طيران مصر قوي ؟ سرب طائرات متطور و بكم كبير و بطياريين محترفين بالاضافة الى انك تمتلك نفس انواع الطائرات التى يمتلكها عدوك بل و تتفوق عنه في امتلاكك للطائرات الروسية التى لا يمتلكها مما يصعب على العدو محاولة التشويش و ايضا وجود انظمة دفاع جوي متطورة بعدد حوالي 4000 منصة مما يصعب على العدو دخول المعركة الجوية بسلام و ايضا وجود الكثير من المطارات العسكرية و لو نظرت الى كم الطائرات التى اخرجتها مصر من الخدمة فستجد ان اعدادها تساوي اعداد الطيران الاساسي في بعض الدول كمان لازم تعرفوا ان مصر هي الدولة العربية الوحيدة التى تمتلك قمر للتجسس و اسمه مصر سات 1 ده بالاضافة الى شبكه رادارات متكامله يمكنها رصد اى طائره تقترب من الحدود المصريه و ارسال طائرات اعتراضيه فى الوقت المناسب او تجهيز الانظمه الصاروخيه و المدفعيه استعدادا لضرب الهدف كليب للقوات الجوية المصرية ( مزيد من الكليبات في صفحة البحث ) كليب لتدريبات سلاح المظلات ( هبوط من ارتفاع 6000 قدم الى البحر ) اما المخابرات المصرية فهي غنية عن التعريف فهي تعمل بكل كفاءة كاشفة كل الجواسيس الذين يتم زرعهم في ارض الوطن و تمد قواتنا المسلحة بما يفيدهم سجلات المخابرات مليئة بالوقائع المشرفة لحماة مصر و تضحياتهم اخر العمليات المعلن عنها هي كشف الجاسوس المصري محمد عصام بالاضافة الى تسريب معلومات سرية عن صواريخ حيتس الاسرائيلية الى ايدي رجال المخابرات واقعة من وقائع المخابرات جزء من حلقة من مسلسل رأفت الهجان جبتها بس عشان نفضل فاكرينه لان في غيره كتير اما عن السلاح النووي فمصر لم تعلن عن امتلاك او نية امتلاك السلاح النووي و هي فعلا لاتحتاج للاسلحة النووية للدفاع عن نفسها ضد اسرائيل فلديها ما يغنيها عن السلاح النووى ضد اسرائيل و الواضح ان مصر لديها بنية تحتة نووية جيدة متمثل في مفاعلين نويين ومصنع وقود نووى ومصنع ماء ثقيل ويوجد لديها خام اليورانيوم وهى تحتاج الى ارادة سياسية لامتلاك سلاح نووى للدفاع عن نفسها اذ لم يكن لديها فعلا و الشئ بالشئ يذكر حيث لو قرأنا موقف مصر السياسي من معاهدة حظر انتشار الاسلحة النووية فسنجد ثانيا : الفقرة رقم 15 النقطة د :- د- إذا حصلت إسرائيل على أسلحة نووية ، فلا يمكن لمصر أن تقف ساكنة في مواجهة هذا التهديد الخطير للأمن القومي المصري . كما يوجد في مصر اسلحة كيميائية و بيولوجية و صواريخ باليستية و صواريخ سكود و صواريخ كروز مصر تخفي الانفاق العسكري بلاشك و ذلك لدواع امنية و لكن طبقا لمصادر اسرائيلية فإن متوقع الانفاق هو14 مليار دولار سنويا و مصر تعتبر من الدول المصنعة والمصدرة للاسلحة و تشارك في كثير من معارض السلاح الدولية و لو قرأنا في كتاب اللواء اركان حرب سعد الدين الشريف عن سيناريو حرب قد تكون بين مصر و اسرائيل سنجد ان مصر تفوقت كثيرا منذ سنة 73 و بنسبة تطور اكبر من النسبة التى تطور بها الجيش الاسرائيلي منذ 73 صورة أرشيفية لتدمير نسور الجو المصري لمقاتلة اسرائيلية هاربة صورة تبين المساعدات العسكرية الامريكية العاجلة لاسرائيل اثناء حرب 1973 أخيرا هل يمتلك الجيش المصري القدرة الحقيقية على تنفيذ مناورة بالقوات بهذه الضخامة في اعداد المعدات و المقاتلين بنقل قوات الجيشين إلى عمق سيناء في وقت مناسب ؟ لقد نفذ الجيش المصري هذا السيناريو في مناورة بدر 96 إذ قام في خلال وقت قياسي بنقل حجم كبير من القوات إلى وسط سيناء مما اثار ذعر نتنياهو وقتها وكانت هذه المناورة مثار الحديث والتحليلات لفترة طويلة .حيث نقل 50 % من معدات الجيش المصري الى عمق سيناء في 6 ساعات واستطاع ان يصل لحالة الاستنفار الهجومي في 11 دقيقة فقط وتم اصدار حوالي 10 دراسات امريكية عن هذا الانجاز . وهذه مناورة مشهوره جدا في تاريخ المناورات في الشرق الاوسط وايضا مناورة ‏كليوباترا ـ‏ 98 و النجم الساطع أخيرا .. مصر و بكل قوة قادرة على تكليف أي عدو لها خسائر كبيرة جدا و هذا ما يجعل ذلك العدو يفكر ألف مرة قبل ان يقدم على اعلان الحرب مع مصر