بحب أكتب دايما عِباراتى
من غِير تجريح
وأدارى بِبسمتىِ أحزانى
وده بالنسبه لىِ مُريح
أحسن ما الناس
تشوف دمعة عينى
وتِتِقلب تفاريح
من حقى أدندن أحزانى
فى الليل تباريح
أو غنوه يوماتى ألحنها
فى شِعر صَريح
أوقات بلاقينى كما الطفله
محتاجه تصريح
تلعب تتشاقى وتتدلل
تِركب مراجيح
عصفوره فوق شجره بتغنى
تطير ويا الريح
وأوقات بلاقينى واحده عجوزه
بتسامر المجاريح
بتقول موال فى غُربتها
باالحزن فصيح