بقلم-محمدحمدى السيد
لما تلاقى جيوش الدبان طول النهار بتعمل غارات عليك..
تبقى انت أكيد فى الكفر!
ولما تلاقى طول الليل جيوش الناموس مش مخلياك تغمض عنيك..
تبقى انت أكيد فى شباس والكفر!
ولما تلاقى الصراصير لليل نهار بتعمل سباق فى البيت..
تبقى انت أكيد أكيد فى أرياف مصر!!
ولما تلاقى جيوش النمل بتعمل أنفاق فى أرضية البيت..
تبقى انت أكيد فى أرياف مصر!
ولما تلاقى البراغيت بتعمل قفزات وانت نايم عليك..
تبقى انت أكيد أكيد فى الملاحين والكفر
ولما تصحى من النوم الصبح تلاقى الفيران واكلة صوبع من صوابع رجليك
تبقى انت أكيد فى أرياف مصر!
فعاوزين يا وزارة الزراعة شجر كافور وبرنوف وريحان....نزرعه حولين وجوه الريف!
علشان نقضى على الناموس والدبان من أرياف مصر!
وكمان عاوزين قطط جميلة نربيها جوه البيت!
علشان نقضى على الفيران فى شباس وقبيبة والكفر!
واحنا علينا هنضف ونهوى ونشمس البيت!
علشان نقضى على البراغيت والصراصيروالنمل فى الملاحين والكفر...