بقلم-محمدحمدى السيد
الشباب بيضيع ونحن نيام!
من البانجو ضاعوا ومن الدخان!
ومش هنحس بالكلام ده غير قدام!
وكل ده علشان العيال بتتربى تربية مش تمام!
والنتيجة بتكون شباب غلبان ماشى فى طريق البانجو والدخان!
وكل مدرسة فيها كذا مدرس بيشرب دخان وأخلاقهم مش تمام!
والنتيجة شباب الثانوى والجامعة بيقوم من النوم خرمان!
حتى بعض المشايخ يا ناس بتتفرج على الرقاصات ومفيش أى احساس!
والنتيجة شباب بيضيع ونحن نيام!
كان فيه ناس وعيه وناصحة بتقول زمان :"المستقبل مش تمام"!
الكلام ده يا أستاذ مرجان كان من عشرين عام أيام ما كان عندى خمستاشرعام!
كان البانجو لسه منتشر فى القرية جديد يا عم شعبان!
ولفت الأيام وأثبتت صدق الكلام!
ولوالكل فضل نيام هيبقى مستقبل البلد زى الهباب تمام!
الشباب هم الأمل فحرام يضيعوا زى م ضاع ناس من جيلنا ؛بسبب طناش واهمال زمان!
يا شباب شوفوا حال بعض الكبار الضاعوا من البانجو والبرشام!
صحتهم راحت من زمان وفلوسهم ضاعت هى كمان!
بأكد ان المستقبل مش تمام ؛لأن الشباب بيضيع كل يوم أكتر من يوم ونحن نيام.
