كتب - محمد حمدى
الكابتن ميزو : الله يرحم الكورة المصرية،ياكابتن عادل !
الكابتن عادل : اللهم أمين ! منجلاكشى فى حاجة وحشة،يا كابتن ميزو !
الكابتن نور: البقاء لله !
الكابتن عادل : ونِعم بالله !
الكابتن ميزو : بيقولك : "إن سبب عدم حضور لاعيبة الزمالك ماتش القمة؛إن الأوتوبيس خلص بنزين على كوبرى 6أُكتوبر ! "
الكابتن نور : لأ يا كباتن ! دا بيقولوا : "إن الشِتا كان على كوبرى 6أُكتوبر كان شديد،والأهلى حديد ! "
الكابتن عادل : إحنا بقينا مسخرة العالم فى كورة القدم ؛دا إحنا الدولة الوحيدة اللى فى العالم اللى بتلعب مِن غير جمهور !
الكابتن نور : دا غير الأندية اللى بتمشى كُل حاجة بالفلوس،اللى عاوز يعدى الإختبارات بيدفع،واللى عاوز يلعب بيدفع !
الكابتن عادل : دا غير أن فيه أندية،ومراكز شباب فيها مُدربين،ومسئولين عن كورة القدم ميعرفوش الكورة مِن البطيخة !
الكابتن ميزو : منظومة كورة القدم فى مصر مِن جمهور،لإتحاد الكورة،للاعيبه،مليانة مشاكل !
الكابتن عادل : عندك حق والله،وأنا مُش عاوز أقول خدنا إيه فى مونديال2018 !
الكابتن نور : خدنا صفر زى الصفر اللى خدناه فى 2010م !
الكابتن عادل : مصر بالوضع ده أخرها تلعب فى دورة رمضانية عالمية !
الكابتن ميزو : وصحبنا اللى ماسك تانى أكبر نادى فى مصر،ومبوظه،أخره يمسك المراجيح اللى فى مدينة الملاهى،أنا أهلاوى صحيح،بس مُش عجبنى اللى بيحصل فى الزمالك،والله !
الكابتن عادل : دا غير النصابين اللى بينصبوا على الناس !
الكابتن نور : دا غير اللى بيطلبوا مِن العيال تقلع،وتصور نفسها ملط !
الكابتن ميزو : شِد حيلك،يا كابتن عادل !
الكابتن عادل : الشِدة لله،شكر الله سعيكم،يا كباتن !
الكابتن نور : غفر الله ذنبك،يا كابتن !
الكابتن عادل : أنا مِن رأيى نزرع الملاعب قمح فى الشتا،ورز فى الصيف؛أهو بالمرة العيش،والرز سعرهم ينزل !
الكابتن ميزو : ونزرع بالمُدرجات خيار،وطماطم،وفجل،وجرجير !
الكابتن نور : هو ده الحل السليم والله؛الله ينور عليكم،يا كباتن !
الكابتن عادل : ولما يبقى فيه كورة نبطل زرع !
(ملحوظة : لقد كتبت تلك القصة،ونشرتها على الإنترنت،يوم الثلاثاء الموافق 25فبراير مِن عام 2020م )
