بقلم - الكابتن محمد حمدى
المعلم فرج : تعالى إحكيلى،على اللى حصل،يا بوحة !
بوحة : بلاش،يا معلم فرج !
المعلم فرج : ليه بس،يا بوحة؟!
بوحة : دسوق إتهزمت 2-1،يا معلم فرج !
المعلم فرج : ليه،هى كانت بتلاعب طنطا؟!
بوحة : أبدًا،والله،يا سيد المعلمِين !
المعلم فرج : طب،مالية كفرالزيات ؟!
بوحة : ولا،مالية كفرالزيات !
المعلم فرج : تبقى، بيلا؟!
بوحة : كانت،بتلاعب سخا،يا معلم فرج !
المعلم فرج : سخا،اللى لسة صعدة مِن الدرجة الرابعة ؟!
بوحة : سخا،اللى كانت بتلعب السنة اللى فاتت فى الدرجة الرابعة !
المعلم فرج : أنا مُش مصدق؛دا أنا سامع أنكم جايبين مُدرب كبير مِن المحلة،ولاعيبة تقيلة...
بوحة : المدرب إحتمال كبير يمشى،واللاعيبة النجم اللى كان ظاهر فيهم فى ماتش النهاردة،هو عبدالرحمن جاد -بودى- !
المعلم فرج : المدرب هيمشى إزاى؟!
بوحة : مجلس الإدارة،ما صرفشى مُستحقات شهر أغسطس،والمصيبة الكبيرة أنهم مشتروش لبس للاعيبة !
المعلم فرج : هو الفريق كان بيلعب بالطقم الداخلى؟!
بوحة : "هاهاهاهاها البوكسرات،والفانيلات هاهاها !
المعلم فرج : طب لعبوا بإيه؟!
بوحة : بطقم بس مُش الأساسى .
المعلم فرج : تبقى تعالى تف فى وشى لو الفريق صعد !
بوحة : دا هيصعد فى المشمش .
المعلم فرج : طب الفريق كان شكله فى الملعب عامل إزاى؟
بوحة : اللى كان ممتع الجمهور،بودى جاد -عبدالرحمن جاد-،اللى نزل بديل فى الشوط التانى،وجاب هدف روعة .
المعلم فرج : وكمارا سيكا ؟!
بوحة : إتصاب هو ،ويوسف الهاسكى فى فترة الإعداد !
المعلم فرج : كان ضغط تدريبى جامد فى فترة الإعداد،وخصوصًا الماتشات الودية اللى كانت بتتلعب كل يوم !
بوحة : كلامك صح والله،لكن تقول إيه بس ! مُحسن إبراهيم هنداوى،جاب جول لسيدى سالم،وصنع جول !
المعلم فرج : المفروض مكنشى مشى !
بوحة : وإبراهيم نزيه بدير،كان نجم مع فريقه .
المعلم فرج : ميكنشى،ياد،يا بوحة،حد عامل سحر لفريق كرة القدم ؟!
بوحة : والله مُش بعيدة ! بس الحسد أمر،وأجمد مِن السحر؛الحسد بيمرض،ويموت،والحسد،والحقد،والنفسنة موجودين عند البعض !
المعلم فرج : ولا يكون حد عاوز كرة القدم تفشل فى دسوق ؟!
بوحة : مِن الناحية دى ففيه حد،وسبت،واتنين،وتلات؛النفسنة موجودة،وخربة دسوق !
المعلم فرج : طب،والأربع،والخميس،والجمعة؟!
بوحة : هاهاهاهاها دول أجازة،يا سيد الناس !
المعلم فرج : المواهب الكروية مَلية دسوق،لكن المشكلة فى الإدارة !
( ملحوظة : لقد كتبت تلك القصة،ونشرتها على الإنترنت،يوم السبت الموافق 2 أكتوبر مِن عام 2021م)
☺️☺️☺️⚽️⚽️⚽️
☺️