بقلم - محمد حمدى
كُردى : فيه موجة غلاء للأسعار جديدة،يا دولة !
مجدى تختوخ : إنت بقيت غامض،يا كُردى !
كُردى : أسعار الخردوات اللى بنستوردها مِن بره سعرها رفع،يا دولة !
مجدى تختوخ : و الأسعار رفعت تانى ليه،يا كردى ؟!
كُردى : الجنية إنضرب،يادولة !
مجدى تختوخ : ومين اللى ضربه ؟!
كُردى : السوق،يا دولة !
مجدى تختوخ : والسوق ضربه تانى ليه،هو موش لسه ضربه مِن شهر؟!
كُردى : الجنية بقى ملطشة خالص،يا دولة !
مجدى تختوخ : دا مضروب السنة اللى فاتت لوحدها يجى 15مرة !
كُردى : ولسه السنادى،يا دولة !
مجدى تختوخ : طب نعمل إيه،ياكُردى ؟!
كُردى : نزود سعر البودرة شوية،يا دولة !
مجدى تختوخ : خلى الأسعار زى ما هية،ياكُردى !
كُردى : بس تكاليف البودرة زادت،يا دولة !
مجدى تختوخ : خلى الفقير ينبسط،يا كُردى !
كُردى : فيه إيه،يا دولة ؟! جرالك إيه؟! قلبك بقى رهيف ليه ؟!
مجدى تختوخ : هو إحنا هنبقى إحنا،والحكومة على الغلبان،يا كُردى !
كُردى : طب و الحشيش،والبانجو،يا دولة ؟!
مجدى تختوخ : خلى سعرهم زى ماهوه،يا كُردى !
كُردى : دا إنت بقيت أحن على الغلبان مِن الحكومة،يا دولة !
مجدى تختوخ : البضاعة متوفرة عندنا فليه منخدمشى أهلنا ؟!
كُردى : بس الرشاوى اللى بندفعها علشان نسلك البضاعة زادت خالص،يا دولة !
مجدى تختوخ : ما إحنا بنغشها،يا كُردى ! بنحط على البودرة دقيق،وعلى الحشيش حنة،وعلى البانجو ملوخية !
كُردى : والمرتبات اللى بندفعها لناس الكبيرة،يا دولة !
مجدى تختوخ : قلبت دماغى،يا كُردى ! كُردى !
كُردى : نعم،يا دولة !
مجدى تختوخ : إدينى جدول الأعمال بتاع بكره،يا كُردى .
كُردى : إتفضل،يا دولة .
مجدى تختوخ : بكره السبت،مِن الساعة سبعة الصبح لضهر عطارة وتجارة خردوات،ومِن الضهر للعص
ر راحة علشان الغدا،واللى عاوز ينام شوية،ومِن العصر للمغرب تجارة أثار،ومِن المغرب للعشا راحة،ومِن العشا لساعة 11 مساءًا تجارة مخدرات،وبعد كده نشرب اللبن،ونغسل رجلينا،و سنانا،ونام؛علشان نصحوا الصبح بدرى .
😄😄😄😄
( ملحوظة : تاريخ كتابة تلك القصة،ونشرها على الإنترنت،يوم الخميس الموافق20يناير2025م)
😃😃😃😃