................................
إوعى تقول ان انت حكيم ...
إحنا ف عصر وإسمه السـُرعه...
شـَغـّل عقلك تبقى سليــــم...
غـِشّ وسـِرقه ان شالـّه سقيم...
...............................
فاكر إن المبدأ يـُحصد...
وسط الغابه ميتين ملـّيم ...
ولا مـَلـّيم ...ولا مـَلـّيم ...
إوعى تقول ان انت حكيم...
................................
الحكمه عايشه ف تعتيم...
عايشه ف ليل وظلامه بـَهيم...
بيها هتبقى حزين ومـُلـِيمْ...
حـَبـّه بحـَبـّه هتبقى سقيم...
................................
روح بالحـِكمه قوام على صاله...
واطلب منـّه نوع سيـــــــاره...
ثانيه الشـُرطه هتيجى بغاره...
بدل الحـِكمه هتتبقى ذميم...
.................................
إوعى تقول ان انت حكيم...
روح بالحكمه على الجمعيه ...
إشترى فرخه مع الملوخيه...
ثانيه يلـِمّ عليك الدُنيـــــــا...
ومن الضرب هتبقى كظيم...
.................................
إوعى تقول ان انت حكيم...
جنب المال انت ف ترميم...
إحنا ف عصر المال اتكلـّم ...
ولا بيهـِمـّه ان كان متعلـّم ...
لهجته غلبت شـِعر نديم...
لهجته غلبت شعر نديم؟؟؟
.............................
سخرية الشاعر / يحيي المصرى
30/9/2015