أنا المصري ... الشاعر محمود الحبكي
أنا المصرى إبن ستين قلب
وإوعي تقولي ليه ستين
أنا المصري الوحيد في الدنيا باتلخبط
ما بين الطين
وبين التين
أنا المصري اللي تعرف
فقرى من شكلي
أنا اللي قفايا
مستحملني لمشاكلي
أنا ال ( دون )
اللي باستني المواطن ( هاى )
بيرمي زبالته فيها أكلي
أنا المصرى اللي مش ( صالح )
ولا ( حلمي ) إترسم خطين
أنا المصرى اللي نسيوا
إسمي في الدستور
وفي الكستور
أنا المصري اللي مش مستور
أنا المصرى الفقير وحقير
عشان مش .... م البني آدمين
ساحة النقاش