الشاعر عبدالله صبري ..شيلني على كتفك
شيلني على كتفك
وامشي أنا بدالَك
كما نقطة فوق دالك
روحي اللي قاعدالك
يا ذالي يا صاحبي
في الوحدة ع اللوحة
يا ساحة مفتوحة
للرقص والحرمان
خرمان انا خرمان
هات همزة على سطري
عجّل ميعاد قطري
دمع الدروب فطري
والراحة أسطورة
أنا دايرة مش كورة
خرَّجني م الملعب
شيلني على كتفك
حضن الجزم ساقع
يا ضلي يا رائع
خد مني لما اديك
بيع الفراخ للديك
هتبيض سواد فاقع
إنفيني واعزلني
بالبهجة زلزلني
خدني ونزلني
عند انتشاء القاف
قزقز قزاز قافي
شقشقلي مشاويري
قشقش ورجعلي
قعدة مع كافي
كن زي ما كنا
ليه صرت بتجافي
يا صاحبي يا حنّين
خلي الوجع ليِّن
شيلني ولو متنا
هنروح بلمتنا
وجراحنا تتزيِّن
وان متنا فرداني
يبقى الفراق هيِّن
شيلني على كتفك
يا صاحبي يا حنيِّن
ساحة النقاش