بـاشيل الهم فــ يشيلــني
ويحدفني بعيييد عني
واتوه جوايا معرفشي
طريق يطردني من روحي
والاقي نفسي في حكاية بلا نهاية
وأقوم ساكت
وأشاور ع الوجع بايدي
يصحي هموم كتير ماتت
عشان قال إيه تونسني
فـ تحبسني فـ سجن كبير ملوش أخر
فأقول للحزن يتاخر
ميرضاشي
واقول للفرح ما تقرب
يقولي لا ما طلباشي
وأقوم ماااشي
لوحدي برضو كالعادة
وفارش دمعي سجادة
تعدي عليها أوجاعي ولا تسمي
والاقی جراحی مشتاقة لكف أمي
يطبطب ع الدموع فتنام
_________________
https://www.facebook.com/ShahatFekry76
ساحة النقاش