أغاريد الجيل الجديد بالإشتراك مع الشاعر الكبير / محمد حسني ابراهيم شحاتة
________________________________________
وبنغرد عشان مجاريح
و بنواجه سيوف الريح
و ناخد م الغنا تصاريح
و نرسم بالقلم أوطان
و جيلنا لو جديد ع البوح
...... قديم علي زقزقات الروح
بنتحدي وجع و جروح
... و نكسر شوكة الأحزان
بنضحك ع السنين بالشوق
و بنعاتب زماننا بذوق
و بنقول بكرة برضو تروق
و نفتح صفحة الإنسان
ونهرب للسطور نكتب
نقول احساسنا ولا نكدب
عشان على بكرة نتسرسب
كما نهارك فـ كل مكان
ياضحكة تلمها أغاريد
نحط الإيد معاها الإيد
وشمس بتظبط المواعيد
توصلنا لبر آمان
وبنغرد فـ سرب طيور
نشيل دمعة وتبقى سرور
عشان الحلم بان فـ سطور
تبان الصفحة م العنوان
ساحة النقاش