كبسولات ساخرة للراحل / جلال عامر

كبسولات ساخرة للراحل / جلال عامر 
____________________________

• بعد أن حصل على «الليسانس» بدأ فى «تحضير» الماجستير وبعد أن حصل على «الماجستير» بدأ فى «تحضير» الشاى للزبائن.

• فى مصر لا توجد «محاسبة» إلا فى كلية التجارة.

• نحن الشعب الوحيد الذى يستخدم (المخ) فى السندوتشات

• نحن ديمقراطيون جداً… تبدأ مناقشاتنا بتبادل الآراء فى السياسة والاقتصاد وتنتهى بتبادل الآراء فى الأم والأب

• عندنا قمح يكفينا 4 شهور ومسلسلات تكفينا 4 سنين ولو كل مواطن هيحط حلقة واحدة فى رغيف هيشبع

• ليس كل من يحب مصر تحبه، فمعظمنا يحبها من طرف واحد

• كان نفسى أطلع محلل استراتيجى لكن أهلى ضغطوا علىّ عشان 
أستكمل تعليمى

• فيه ناس عايشة كويس ، و ناس كويس انها عايشة

• ثم تسأل حضرتك البحر بيضحك ليه؟! طبعاً بيضحك علينا.

• نحن أبناء وطن واحد يروينا «نهر» واحد وتسرقنا «بورصة» واحدة. 
(جلال عامر 2 مارس 2011)

• كل واحد يسأل الآن: (مصر رايحة على فين؟) … مش تسألوا قبل ما تركبوا

• من زمان لم يحدث فى مصر «كسوف» للشمس ولا للبشر

• أصبحت مهمة المواطن صعبة فعليه أن يحافظ على حياته من البلطجية وأن يحافظ على عقله من السياسيين

• الدول المتقدمة تضع المواطن «فوق» دماغها والدول التافهة تضع المواطن «فى» دماغها