الشاعر/ شريف طايل
آسف يا حزن ضحكت فجأة م الوجع
وخلاص نسيت الحلم واتغيرت لكن
جوايا لسه كام أنا
إنسان بيرسم بالحروف الحلم
وبينحت الإحساس ف وسط الصفحة من دمه
و1000 قصيدة من همه ما يتوزنوش
زحاف
هنة عروض
قافية
ونفس الكسر ف التفعيلة والمضمون
عيون الشعر مش شايفة
فراغ النص أصله كفيف
علامة الرفع مش ضمة الحروف ليها
علامة النصب مش فاتحة دراعتها لأوجاعي
ما فيش داعي
تكون الكسرة جراني أفوت النص
يكون الجزم مش ساكن ولا مسكون
تكون الدهشة آخر السطر
ساحة النقاش