خلاص سامح....شعر شحات فكري
======================
خلاص سامح
وسيبك من اللي فات وانساه
ودور في غيطان الحب
... تلاقي علاج لمليون اه
بلاش تعشق سواد الليل
ولا تعشق نزيف الناي
ولا تموت بأيدك حلم
... بيستناك في بكره الجاي
تبيعه ازاي
تفوته لمين
وهو هناك بيستنا بقاله
سنين
غيطان بالصبر مزروعة
هناك فدادين
مصمم ليه تعيش وحدك
كده مكسور بقلب حزين
سنين العمر محسومة
فأوعى فـ يوم تبات ظالم
ولا محسوب من الظالمين
ساحة النقاش